Sjósund vinsælt á Akureyri
Þegar farið er ofan í ískaldan sjóinn segja vanir menn að það muni miklu að hafa húfu og vettlinga.
Sjósund hefur verið ryðja sér til rúms á Akureyri og er sífellt að verða vinsælla. Um tíu manna hópur stundar nú reglulega sjósund í bænum allan ársins hring. Það er alltaf að koma fleira fólk að prófa og það bætist reglulega í hópinn, segir Ásta Guðný Kristjánsdóttir, sjósundsáhugakona, sem hefur stundað þessa iðju frá því í mars síðastliðnum. Hún segir alla velkomna að prófa sjósund en farið er í sjóinn við flotbryggjuna á milli Átaks og Hofs við Strandgötu.
Við pössum vel upp á alla sem eru að koma í fyrsta skipti og að það er um að gera fyrir fólk að koma að prófa. Enda er þetta gríðarlega gaman og hressandi, segir Ásta. Fyrir skemmstu skapaðist umræða um hættusemi sjósunds þar sem ástand eins og andköf, skyndileg kólnun, oföndun og sundbilun geta komið upp og jafnvel leitt til drukknunar. Aðspurð um hvort mikil áhætta stafi af því að stunda sjósund segir Ásta:
Þetta er auðvitað mikið álag á líkamann. Fyrsta skiptið sem þú ferð ofan í kaldan sjóinn að þá bregst líkaminn við og þeir sem eru veilir fyrir hjarta ættu að halda sig frá þessu. En ég hugsa að almennt séð hlýtur þetta að vera gott fyrir líkama og sál. En það þarf samt að passa að vera ekki of lengi í einu í sjónum, segir Ásta.
Fyrir áhugasama er hægt nálgast frekari upplýsingar um sjósundið á Akureyri á fésbókinni undir Sjósundfélag Akureyrar.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
