Sigmundur Ernir gefur út sína níundu ljóðabók
Sigmundur Ernir Rúnarsson.
Akureyringurinn, þingmaðurinn og skáldið, Sigmundur Ernir Rúnarsson, gefur út sína níundu ljóðabók í vikunni en bókin kemur í verslanir á miðvikudaginn kemur, þann 29. ágúst. Bókin nefnist Eldhús ömmu Rún og er gefin út í tilefni 150 ára afmæli Akureyrarbæjar. Í bókinni lítur Sigmundur um öxl og rifjar upp gamla tíma en bókin hefur að geyma bæði ljóð og örsögur.
Þessi bók er mín gjöf til Akureyrarbæjar. Þetta er ekki dæmigerð ljóðabók og hefur einnig að geyma smásögur og allskyns endurminningar. Í bókinni einblíni ég á tímann milli áranna 1965-75 þegar ég er strákur að vaxa úr grasi. Þá var maður mikið með ömmum sínum en ömmur mínar báðar voru dæmigerðar alþýðukonur sem hreyfðu sig ekki mikið út úr húsi á þessum tíma. Þarna var tími samverunnar sterkur og nægjusemin og nýtnin alveg allsráðandi. Ég reyni að fanga þessa stemmningu í bókinni á þennan Akureyrska máta, segir Sigmundur í samtali við Vikudag.
Bókin er 90 blaðsíður en átti upphaflega aðeins vera einn kafli í nýrri bók. En þegar ég lagði af stað með þetta að þá hrundu endurminningarnar yfir mig og það væri engin leið að koma þessu frá sér í einum kafla. Úr varð því heil bók sem ég er afar sáttur við. Sigmundur segist aldrei hafa skrifað Akureyrískari bók og að margir munu kannast við ansi margt úr sögunum og ljóðunum.
Bókin er gefin út af forlaginu Uppheimum sem er einmitt í eigu Akureyringa. Þannig að þetta er eins Akureyrísk bók og hún verður, segir Sigmundur. Bókin verður til sölu í öllum betri bókabúðum og verslunum. Sigmundur Ernir verður með útgáfuhátíð laugardaginn 1. september í Eymundsson á Akureyri og mun m.a. lesa upp úr bókinni milli kl. 14:00 og 16:00 þann dag.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
