Segir atlögu gerða að íslenskri hönnun
Peysa frá Icewear.
Drífa ehf. sem framleiðir m.a. ullarfatnað undir vörumerkjunum Icewear og Norwear, vill vekja athygli á viðskipháttum verslananna The Viking og Álafoss, sem nýverið hófu sölu á ullarvörum sem svipar mjög til ákveðinna vara Icewear og Norwear. Forsvarsmenn Drífu ehf. telja ólíklegt að tilviljun ein ráði för, enda hafa þessar vörur fyrirtækisins notið mikilla vinsælda, ekki síst á meðal erlendra ferðamanna á Íslandi.
Verslanirnar sem eiga í hlut hafa um árabili verið í viðskiptum við Drífu og selt framleiðsluvörur fyrirtækisins. Ætti þeim því að vera vel kunnugt um hve vel þær falla að kröfum neytenda. Nú bjóða þessar verslanir til sölu samskonar vörur, vettlinga, húfur ofl. sem líkjast hönnun Drífu ehf. mjög hvað varðar efnisval, munstur, stærð og lögun. Helsti munurinn liggur í smávægilegum breytingum á prjónamunstrum. Þá eru merkingar á vörunum hér um bil eins.
Það er mat forsvarsmanna Drífu ehf. að um óeðlilega líkar vörur sé að ræða og að hætt sé við því að neytendur kunni jafnvel að rugla þeim saman. Þess ber að geta að á bak við frumhönnun á fatnaði liggur mikil vinna, kostnaður og markaðsstarf. Drífa ehf. leggur áherslu á íslenska hönnun og er stolt af sinni framleiðslu. Að sama skapi telja forsvarsmenn fyrirtækisins að með því að bjóða upp á keimlíkar vörur á umtalsvert lægra verði, hafi The Viking og Álafoss viðhaft vafasama viðskiptahætti. Í raun megi líta svo á að í framferði þeirra sé fólgin atlaga að Íslenskri hönnun.
Drífa ehf. hefur farið fram á það við fyrirtækin Hóras ehf. (Viking) og Álafoss ehf, sem reka umræddar verslanir, að þau veiti skýringar á þessu framferði. Þess var ennfremur krafist að sölu á umræddum vörum verði umsvifalaust hætt. Félögin fengu frest til þriðjudagsins 28. ágúst til þess að bregðast við þessum tilmælum. Þar sem fyrirtækin hafa ekki orðið við þessum tillmælum mun Drífa leita réttar síns.
Drífa á 40 ára starfsafmæli á þessu ári og starfsemi fyrirtæksins hefur vaxið fiskur um hrygg undanfarin ár. Stærsti hluti viðskiptavina hérlendis eru ferðamenn. Starfsmenn eru nú fimmtíu talsins en voru aðeins sex árið 2008. Fyrirtækið er með starfsemi í þremur sveitarfélögum, rekur prjónastofu í Vík í Mýrdal, saumastofu í Reykjanesbæ og er með starfsemi í Garðabæ. Drífa hefur alla tíð lagt metnað sinn í íslenska hönnun, segir í fréttatilkynningu.
Nýjast
-
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku.
