Ráðherra kynnir atvinnuátak - 70 spennandi og fjölbreytileg störf
Er við það miðað að Verkefnasjóður sjávarútvegsins veiti stofnunum fé til að standa straum af kostnaði vegna sumarstarfanna. Auk þess hefur framleiðnisjóður landbúnaðarins orðið við erindi ráðherra og lagt fjármuni í átakið. Ráðuneytið hefur einnig haft samband við Matvælastofnun sem mun skoða málið í samstarfi við atvinnuleysistryggingasjóð, en þau verkefni tengjast hreinsun gamalla girðinga. Áætlað er að hvert starf standi í allt að tvo mánuði í sumar.
Verkefnið er tvíþætt:
Annars vegar er gert ráð fyrir að Verkefnasjóður sjávarútvegsins veiti styrk til fyrirtækja sem sem geti þá ráðið nýtt fólk til starfa í afmörkuð verkefni. Þá er einnig gert ráð fyrir að fólk sem ekki hefur vinnu í sumar geti sótt um styrk í afmörkuð verkefni í samvinnu við fyrirtæki og stofnanir. Kröfur til verkefnanna eru að þau hafi með einum eða öðrum hætti jákvæð áhrif á aukin verðmæti sjávarfangs. Átakið er tilvalið fyrir fyrirtæki sem þurfa á starfsmanni tímabundið til að vinna að nýsköpun og þróun, einnig gæti fyrirtæki nýtt sér sérfræðiþekkingu sumarstarfsfólks til sérstakra verkefna sem efla og styrkja starfsemi fyrirtækisins.
Hins vegar munu stofnanir ráðuneytisins ráða til sín sumarstarfsfólk til tiltekinna rannsókna, nýsköpunar og eftirlitsverkefna. Fiskistofa mun ráða sjö til níu starfsmenn, Hafrannsóknarstofnun einnig sjö til níu, Veiðimálastofnun fimm til sex og Matís fjórtán til sextán. Meðal spennandi verkefna hjá stofnunum ráðuneytisins eru (þessi upptalning er hvergi nærri tæmandi):
- Verkefni tengd fiskeldi
- Eftirlit með strandveiðum og úrvinnsla mála vegna strandveiða
- Aðstoð við gerð nýs kerfis fyrir vigtar- og ráðstöfunarskýrslur
- Brottkastsrannsóknir
- Gerð verkferla og vinnulýsingar í gæðahandbók
- Rannsóknir á samkeppni flundru og bleikju í sjávarlónum
- Rannsóknir á vistfræði sjóbleikju, sæsteinsugu, flundru og lax.
- Landnámssaga lax á Íslandi
- Arðsemismat á mismunandi leiðum til að auka nýtingu og verðmætasköpun
- Hönnun á fræðsluvef fyrir almenning
- Kortlagning stöðu sjávarútvegs
- Söfnun og samantekt á gögnum fyrir matvælaöryggi
- Hanna og þróa heimasíðu um næringarinnihald á íslenskum mat
- Aðstoða við skýrslugerð um stöðu smábáta á Íslandi
- Úttekt á gagnaskráningu við löndun fiskafla til útflutnings
- Úttekt á möguleikum Íslendinga varðandi umhverfismál og umhverfismerkingar í sjávarútvegi
- Vinnsla á brjósksykrum úr sæbjúgum
- Úttekt á mörkuðum og framleiðslu í gróðurhúsum á Íslandi sem kæmi til greina í samkeppni við erlenda markaði
- Rannsaka tengsl bakteríuflóru og afkomu lúðulirfa í eldi
- Áhrif gossins í Eyjafjallajökli á örveruflóru sjávar undan suðurströnd Íslands
- Æxlunarfæri letihumars við Íslandsstrendur
- Auka afkomu þorsklirfa í eldi og gæði lirfa
- Söfnun og úrvinnsla sýna tengd veiðum á uppsjávarfiskum
- Söfnun magasýna á makrílslóðum
- Stafræn ljósmyndun botnþörunga
- Kortlagning búsvæða
- Sumarafleysingar hjá Hafró á Akureyri, Ísafirði og í Vestmannaeyjum
- Flokkun myndbandaefnis
- Síldarrannóknir
Gangi þetta eftir munu sjötíu mikilvæg og spennandi sumarstörf verða til. Störfin kalla á fjölbreytilegan bakgrunn og verða staðsett víða um land.
Nýjast
-
Litaboltavöllur á tjaldsvæðinu
Skipulagsráð Akureyrar hefur tekið jákvætt í erindi frá Skúla Lórenz Tryggvasyni sem óskaði eftir svæði til að setja upp litaboltavöll (e. paintball). -
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl.
