Naut í karamellu slær í gegn
Sigfús Jónsson stendur vaktina í eldhúsinu á Goya Tapas bar. Myndir/Þröstur Ernir.
Það er búið að vera ágætt að gera undanfarið. Það er bæði mikið pantað og svo er fólk að detta inn af götunni, segir Sigfús Jónsson kokkur og einn af eigendum Goya Tapas bar í Listagilinu á Akureyri. Staðurinn bíður upp á allskyns rétti með spænsku ívafi. Fáir staðir á Akureyri státa af jafn fjölbreyttum matseðli en á Goya er hægt að velja um eina 60 rétti.
Við erum svolítið sértækir líka þar sem við bjóðum upp á öðruvísi mat. Svo er einnig hægt að panta sér marga litla rétti, svokallaða tapas rétti, þá getur fólk bragðað á mörgu í einni kvöldmáltíð, segir Sigfús. Hann segir naut í karamellu með timían, chilli og hvítlauk hafa slegið í gegn hjá Akureyringum.
Þetta er lang vinsælasti rétturinn á matseðlinum og hefur fallið vel í kramið hjá gestum. Ég myndi halda að níu af hverjum tíu sem koma hingað inn panti sér þennan rétt. Af öðrum vinsælum réttum á staðnum má nefna beikonvafðar döðlur með sætri chillisósu, grafna gæs og eyfirska hráskinku.
Hörð samkeppni
Sigfús hefur verið kokkur í um tuttugu ár. Hann flutti heim til Akureyrar fyrir tveimur árum eftir áralanga dvöl í höfuðborginni og hóf fljótlega rekstur á Goya Tapas.
Miðað við átján þúsund manna bæjarfélag að þá er svakaleg flóra af veitingahúsum á Akureyri. Samkeppnin er fyrir vikið gríðarlega hörð en það er vonandi að flestir af þessum veitingastöðum nái að standa undir sér og veitingabransinn á Akureyri haldi áfram að blómstra, segir Sigfús. Veitingastaðir bæjarins munu eflaust njóta góðs af vaxandi vinsældum í vetrarferðamennsku á Norðurlandi en m.a. er von á fimmta þúsund ferðafólks í norðurljósaferðir í vetur.
Svo fer skíðafólkið að koma norður upp úr miðjum janúar þannig að veturinn lítur þokkalega út.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
