Minnkandi umferð á norðulandi
Mun minni umferð var á hringveginum í nýliðnum júlí en undanfarin ár og hefur minni umferð ekki mælst síðan árið 2006 í sextán mælisniðum Vegagerðarinnar. Umferðin í júlí reyndist 2,4 prósentum minni í ár en í sama mánuði í fyrra. Mest munar um samdrátt á Norðurlandi sem er tíu prósent, samkvæmt upplýsingum Vegagerðarinnar. Umferð um Norðurland frá áramótum dregst saman um 4,2 prósent. Þetta er heldur meiri samdráttur en gert var ráð fyrir.
Þetta er heldur mikið en umferð um Norðurland virðist vera að gefa töluvert eftir, segir Friðleifur Ingi Brynjarsson verkefnastjóri hjá Vegagerðinni. Ég átta mig ekki alveg á þessum skelli sem Norðurland er að fá núna. Manni finnst eins og botninum sé náð. Þessi samdráttur frá áramótum er svipaður og árið 2010 sem var metár hvað samdrátt varðar, segir Friðleifur. Hann segir erfitt að benda einhverja eina skýringu en þarna tvinnist margir hlutir saman, t.d. atvinnumál og bensínverð. Júlímánuðurinn núna hafi verið óvenju slakur og ekki virðist vera mikill akstur í kortunum í ár um hringveginn. Það eru bara árin 2005 og 2006 þar sem umferðin var minni á því tímabili sem við erum að skoða, segir Friðleifur.
Mest eykst umferðin um Austurland frá áramótum eða um tæp fimm prósent, en umferð um það svæði hafði dregist mikið saman árin 2011 og 2010 á þessum árstíma. Umferð virðist einnig að vera að aukast um Suðurland eftir mikinn samdrátt á því svæði árið 2011 en milli júlímánaða jókst umferðin mest á því svæði eða um 5,7 prósent. Friðleifur segir ennfremur að ýmislegt fleira en bara akstur megi lesa úr þessum tölum.
Ef menn segja sem svo að umferð sé góð vísbending um hvernig Ísland hafi það í dag að þá virðumst við ekkert vera á leiðinni upp. Umferðatölur þykja góðar til þess að lýsa því hvernig staðan er hverju sinni í þjóðfélaginu. Miðað við þessar tölur virðumst við því vera að svamla á botninum ennþá. En það verður spennandi að sjá hvað gerist á næsta ári og hvort við förum ekki að horfa upp á betri tíma, segir Friðleifur.
Nýjast
-
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum.
