Kostnaður við rekstur FSA um 25 milljónir króna umfram fjárveitingu
Sjúkrahúsið á Akureyri. Mynd: Hörður Geirsson.
Nú er lokið fjögurra mánaða rekstraruppgjöri og fyrir liggja tölur um starfsemi fyrir fimm mánuði. Hvort tveggja ætti að gefa nokkuð góða vísbendingu um hvert stefnir á árinu hvað varðar rekstur og þjónustustig, segir Vignir Sveinsson framkvæmdastjóri fjármálasviðs Sjúkrahússins á Akureyri í pistli á heimasíðu FSA. Kostnaður er um 25 milljónir umfram fjárveitingu í apríllok eða 1,7%, en um leið hefur starfsemin aukist á flestum sviðum. Þar ber hæst mikla fjölgun fæðinga sem sannarlega er okkur öllum gleðiefni. Kostnaðarauki í rekstrinum liggur aðallega í almennum rekstrargjöldum, svo sem lyfjum, lækningavörum og aðkeyptri þjónustu.
Vignir segir að í rekstraráætlun ársins hafi verið gert ráð fyrir lækkun kostnaðar um 130 milljónir með tilheyrandi fækkun starfa. Þótt vissulega hafi að mörgu leyti tekist vel til við að mæta hagræðingarkröfum þurfi sífellt að vera á varðbergi gagnvart öllum kostnaði sem ekki hefur bein áhrif á öryggi og þjónustu og reyna að lágmarka hann. Markmið okkar í rekstri þessa árs er að kostnaður verði ekki meiri en 40 milljónir umfram fjárlög sem samsvarar jákvæðum höfuðstól í árslok 2011. Takist það og ekki verði um frekari hagræðingarkröfu að ræða í fjárlögum 2013 er ekki ástæða til annars en að við séum bjartsýn, segir Vignir.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
