Akureyri leikur til úrslita á Íslandsmótinu í öðrum flokki karla
Akureyri mun leika til úrslita um Íslandsmeistaratitilinn í handbolta í 2. flokki karla en norðanmenn lögðu ÍR að velli, 32:29, í undanúrslitum keppninnar í dag. Staðan í hálfleik var 16:14 fyrir ÍR.
Akureyri mun að öllum líkindum mæta Haukum í úrslitaleiknum,en Haukar lögðu FH að velli, 26:25, í hinum í undanúrslitaleiknum. FH hefur hins vegar kært úrslitin samkvæmt upplýsingum heimasíðu Akureyrar Handboltafélags, og því ekki endanlega ljóst hvort það verði Haukar eða FH sem mætir Akureyri í úrslitum.
Úrslitaleikurinn á að fara fram á morgun í íþróttahúsinu við Strandgötu kl. 14:00, en óvíst er hvort leikurinn fari fram á tilsettum tíma vegna kærunnar.
Nýjast
-
200 þúsund krónur söfnuðust í sveinsprófi matreiðslu í VMA
Veitingageirinn á Akureyri tók sig saman og sló til góðgerðarkvöldverðar sl. miðvikudag og safnaði til styrktar matargjafa Akureyrar og nágrennis í leiðinni -
Mikil uppbygging og þróun í gangi í Eyjafjarðarsveit
Stjórn SSNE hélt fund á dögunum í Eyjafjarðarsveit. Stjórnin fundar almennt með aðstoð Teams, en tvisvar á ári hittist stjórnin á staðfundum og er þá reynt að heimsækja ólík sveitarfélög innan landshlutans. -
Húsnæðismál og kjör ofarlega á baugi
Allir hópar sem taka þátt í starfsemi félagsmiðstöðvanna Birtu og Sölku á Akureyri kvarta yfir plássleysi og þungum húsgögnum. Þörf er á stærri sal og fleiri félagsmiðstöðvun. Það er góð hugmynd að blanda saman aldurshópum en virkar ekki alltaf í framkvæmd. Því þarf að gæta að mismunandi þörfum eftir því hver aldur hópanna er. -
Bjóða út byggingu átta smáhýsa
Umhverfis- og mannvirkjasvið Akureyrarbæjar hefur óskað eftir tilboðum í átta færanlegar smáíbúðir, um 35 m² að stærð hver og einnig hefur verið óskað eftir verði í eitt 15 m² einstaklingsherbergi, sem á að innihalda anddyri, svefnaðstöðu og snyrtingu. -
„Við erum óendanlega þakklát fyrir þessi ár“
„Þetta hafa verið ótrúlega viðburðarík skemmtileg og góð ár sem vissulega hefur verið gríðarlega mikil vinna,“ segja þau Ingibjörg Stella Bjarnadóttir og Erik Jensen, eigendur B. Jensen. Nú standa þau á tímamótum, þar sem þau hafa selt fyrirtækið til Kjarnafæðis Norðlenska, sem er í eigu Kaupfélags Skagfirðinga. Það hefur tekið við rekstri fyrirtækisins: sláturhúsi, kjötvinnslu og versluninni við Lónsbakka, þar sem allur reksturinn hefur alltaf verið til húsa. -
Rúnar Steingrímsson og Ragnar Sverrisson kjörnir heiðursfélagar Þórs
Íþróttafélagið Þór varð 110 ára á dögunum og í tilefni þess var boðið í samsætis i Hamri félagsheimili Þórsara. Við það tilefni voru tveir eðal Þórsarar, þeir Rúnar Steingrímsson og Ragnar Sverrisson útnefndir sem heiðursfélagar. Við sama tilefni var fjöldi Þórsara sæmdur gull-, silfur- og bronsmerki félagsins. -
Réttlæti næst ekki með ranglæti
Í umræðum á Alþingi spurði ég hæstvirtan dómsmálaráðherra, Þorbjörgu Sigríði Gunnlaugsdóttur einfaldrar, en mikilvægrar spurningar: Telur hún sem dómsmálaráðherra að það standist stjórnarskrá að skerða áunnin réttindi tugþúsunda sjóðfélaga í lífeyrissjóðum? Þetta eru réttindi sem fólk hefur unnið sér inn með áratugalangri þátttöku í atvinnulífinu – réttindi sem njóta verndar samkvæmt 72. gr. stjórnarskrárinnar. -
Friðar og samstöðustund með íbúum á Gasa á Ráðhústorgi i dag
Í dag kl 16:15 verður á Ráðhústorgi á Akurreyri friðar og samstöðustund með íbúum á Gasa. Það eru frænkur tvær sem fyrir þessum viðburði standa en þær eiga afmæli í dag og vilja láta gott af sér leiða í tilefni dagsins. -
Mitt á milli nálægðar og endalausrar fjarlægðar
Listaverkið Mitt á milli nálægðar og endalausrar fjarlægðar eftir Kristinn E. Hrafnsson hefur verið hreinsað og lagað en verkið hefur staðið við inngang fiskvinnsluhúss Útgerðarfélags Akureyringa í þrjátíu ár og var farið að láta á sjá.
