Ágústtónar í Hofi
Hólmfríður Sigurðardóttir (t.v.) og þær Margrét Hannesdóttir og Una Dóra Þorbjörnsdóttir stíga á svið í Hofi annað kvöld.
Margrét Hannesdóttir og Una Dóra Þorbjörnsdóttir sópran söngkonur og Hólmfríður Sigurðardóttir píanóleikari munu halda klassíska tónleika á Akureyrarvöku á morgun, föstudaginn 24. ágúst kl. 20:00 í Hömrum í Menningarhúsinu Hofi. Tónleikarnir munu hafa yfirskriftina Ágústtónar og verða um ein og hálf klukkustund að lengd. Dagskráin verður fjölbreytt, létt og skemmtileg; flutt verða íslensk og erlend sönglög úr öllum áttum, ásamt ýmsum þekktum dúettum og óperuperlum.
Margrét er í mastersnámi í söng í Westminster Choir College í Bandaríkjunum og mun ljúka því næsta vor. Áður en hún fór til Bandaríkjanna lærði hún söng í Söngskólanum í Reykjavík hjá Ólöfu Kolbrúnu Harðardóttur en lærði svo í tvö ár í Söngskóla Sigurðar Demetz hjá Sigrúnu Hjálmtýsdóttur.
Una Dóra lauk burtfararprófi 2011 frá Söngskólanum í Reykjavík undir leiðsögn Ólafar Kolbrúnar. Eftir útskrift fór hún að læra hjá Kristjáni Jóhannsyni en fór svo til Verona á Ítalíu haustið 2011 og stundar þar einkanám í óperusöng.
Hólmfríður lauk einleikaraprófi á píanó frá Tónlistarháskólanum í München. Hún hefur starfað lengi sem meðleikari í Söngskólanum í Reykjavík og hefur komið víða fram sem einleikari og meðleikari bæði hérlendis og erlendis.
Nýjast
-
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins.
