KA hefur leik í Pepsi-deildinni í dag
Guðmann Þórisson í leik með KA. Mynd/Sævar Geir
Þá er sparkvertíðin að fara í gang á Íslandi og ríkir mikil eftirvænting á Akureyri enda er KA að hefja leik í efstu deild eftir 12 ár í 1. deild. Stuðningsmenn liðsins hafa haft á orði að veturinn sé búinn að vera sérstaklega lengi að líða eða „heil meðganga“ eins og einn þeirra hafði á orði. Fyrsti leikur KA er í dag, sunnudag gegn Breiðabliki í Kópavogi.
Vikudagur sló á þráðinn til fyrirliðans, Guðmanns Þórissonar í byrjun vikunnar og spurði hann út í átökin framundan.
Guðmann var brattur og sagði mótið leggjast vel í sig. „Það er náttúrlega búið að ganga mjög vel á undibúningstímabilinu og nánast allir leikmenn heilir, vonandi tökum við það með okkur inn í sumarið,“ segir hann og bætir við: „Þetta er búinn að vera mjög fínn vetur, vel skipulagður hjá Tufa [þjálf ari KA]. Mér sýnist allir vera komnir í hörkuform. Við erum ekki búnir að vera með nein alvarleg meiðsli en auðvitað er alltaf einn og einn sem dettur út, flestir hafa þó verið heilir allan tímann.“
Erfið byrjun
Það er óhætt að fullyrða að KA menn byrji mótið á erfiðu leikjaprógrammi. Fyrsti leikurinn er gegn Breiðabliki eins og fyrr segir á Kópavogsvelli. Þá bíða Íslandsmeistarar FH-inga í Kaplakrika, fyrsti heimaleikurinn er gegn Fjölni 14. maí, silfurhafarnir úr Stjörnunni verða svo gestgjafar í 4. umferð. Guðmann gerði ekki mikið úr því að það væri erfitt að mæta svo sterkum lið- um í fyrstu leikjunum.
„Maður getur alveg horft á þetta á báða vegu. Ég held að það sé jafnvel betra að mæta svona sterkum liðum í byrjun móts, þá eru þau enn að púsla sér saman. Að mæta FH fyrri part móts á þeirra heimavelli er alltaf gott því það eru ekki mörg lið sem taka stig í Kaplakrika í ágúst þegar það er sól úti og grasteppið er fínt. Þetta eru náttúrlega allt góð lið en ég held að við eigum eftir að ná fínum úrslitum,“ segir Guðmann.
Ítarlegra viðtal við Guðmann um tímabilið framundan má nálgast á íþróttasíðum nýjasta tölublaðs Vikudags.
Nýjast
-
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín.
Athugasemdir