15. maí - 23 maí - Tbl 20
„Alltaf markmiðið að fá þrjú stig úr hverjum leik“
Stelpurnar í Þór/KA taka á móti Haukastúlkum í dag klukkan 18 á Þórsvelli. Mynd úr safni/Sævar Geir
Þór/KA trónir á toppi Pepsídeildar kvenna í fótbolta þegar þremur umferðum er lokið, með fullt hús stiga.
Það er ekki ofsögum sagt að tímabilið fari frábærlega af stað hjá norðankonum og margir eru þegar farnir að spá þeim Íslandsmeistaratitlinum. „Það var náttúrlega markmiðið að fara í alla leiki til að vinna þá og við vorum búnar að undirbúa okkur vel. Það var alltaf markmiðið að fá þrjú stig úr hverjum leik, sama hverjir mótherjarnir séu,“ sagði Margrét Árnadóttir, leikmaður Þórs/KA í stuttu spjalli við Vikudag en hún skoraði eitt marka Þórs/KA í 1-4 sigri gegn Fylki á sunnudag fyrir viku.
Margrét sagðist hafa fulla trú á því að liðið gæti farið alla leið í sumar. „Já, ég er 100 prósent viss um það. Við þurfum bara að að halda haus.“ Þór/KA tekur á móti Haukum í dag klukkan 18 á Þórsvelli. Haukastúlkur hafa ekki farið jafn vel af stað í sumar og sitja á botninum án stiga eftir þrjár umferðir. Margrét var samt ekki á því að staða þeirra í deildinni skipti nokkru máli fyrir þennan leik. „Það eru þrjú stig í boði úr hverjum leik þannig að það er jafn mikilvægt að vinna öll lið, sama hvar þau eru í deildinni. Við ætlum að mæta í þennan leik eins og við höfum gert í hina og ná í þrjú stig,“ sagði Margrét Árnadóttir, leikmaður Þórs/KA.
Nýjast
-
Ferðalag traktors út í Flatey á Skjálfanda
Það er meira en að segja það að flytja traktor út í eyju -
Orkuskipti í samgöngum á Akureyri fara vel af stað
„Við höfum séð örlítil merki þess undanfarin ár að raforkunotkun er að potast aðeins upp á við,“ segir Stefán H. Steindórsson sviðsstjóri hjá Norðurorku. Raforkunotkun á Akureyri hefur staðið í stað um árabil þó svo að bærinn hafi stækkað og íbúum fjölgað. -
Ingvi Quartet, með tónleika á LYST í Lystigarðinum í kvöld
Kvartett Ingva Rafns Ingvasonar, Ingvi Quartet, heldur tónleika á LYST í Lystigarðinum í kvöld og hefjast tónleikarnir kl 20.30. -
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann. -
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum.
Athugasemdir