Við ætlum að vinna keppnina um unga fólkið
Óðinn Svan Óðinsson er oddviti L-listans í komandi bæjarstjórnarkosningum á Akureyri
Það hefur aldrei verið auðveldara að taka sig upp og flytja búferlum. Í dag er Akureyri ekki bara í samkeppni við önnur sveitarfélög á Íslandi, heldur allan heiminn. Þess vegna verðum við að taka samkeppnina um fólk, fjölskyldur og framtíðina alvarlega. Ég vel að búa hérna með mína fjölskyldu vegna þess að Akureyri er frábær staður sem hakar við þau box sem ég horfi til. Við megum samt aldrei setja fæturna upp á borð og halda að það sé sjálfgefið að fólk velji að búa á Akureyri. Við þurfum stöðugt að gera betur.
Við þurfum að halda áfram!
Verkefnið okkar er skýrt. Foreldrar eiga að geta treyst því að leikskólapláss bíði barna þegar fæðingarorlofi lýkur. Þar erum við á réttri leið, en við verðum að halda áfram af fullum krafti. Skólar bæjarins þurfa að vera framúrskarandi og íþrótta- og tómstundaaðstaða til fyrirmyndar. Frístundastyrkir eru líka tól sem hafa margsannað gildi sitt en við viljum útvíkka þá niður í 5 ára börn og til foreldra í fæðingarorlofi. Þá skiptir líka miklu máli að standa vörð um að Akureyri sé vel tengd við heiminn með beinu flugi. Þó hér sé gott að vera er það okkur nauðsynlegt að vera beintengd við Evrópu. Við erum í keppni um unga fólkið og fjölskyldur þeirra og við í L-listanum ætlum að sjá til þess að Akureyri vinni þá keppni.
Nýjast
-
Fjöldi fólks á flugslysaæfingu á Akureyrarflugvelli
Um 250 manns tóku þátt í flugslysaæfingu Almannavarna og Isavia sem haldin var á Akureyrarflugvelli laugardaginn 9. maí 2026. Æfingin var sú fyrsta á flugvöllum landsins í ár. -
Við ætlum að vinna keppnina um unga fólkið
Það hefur aldrei verið auðveldara að taka sig upp og flytja búferlum. Í dag er Akureyri ekki bara í samkeppni við önnur sveitarfélög á Íslandi, heldur allan heiminn. Þess vegna verðum við að taka samkeppnina um fólk, fjölskyldur og framtíðina alvarlega. Ég vel að búa hérna með mína fjölskyldu vegna þess að Akureyri er frábær staður sem hakar við þau box sem ég horfi til. Við megum samt aldrei setja fæturna upp á borð og halda að það sé sjálfgefið að fólk velji að búa á Akureyri. Við þurfum stöðugt að gera betur. -
Innflytjendur á Íslandi – ég er ein þeirra
Þrátt fyrir að hafa búið hér stærstan hluta ævinnar mun ég alltaf vera innflytjandi. Ekki vegna þess hvernig aðrir líta á mig, heldur vegna þess að ég á rætur í annarri menningu og ólst upp við önnur gildi. Ég skil íslenskt samfélag, hugsunarhátt þess og menningu, en mínar rætur eru annars staðar – og þannig mun það alltaf vera. -
atNorth fær viðbótarlóðir á athafnasvæði sínu
Bæjarstjórn Akureyrar hefur samþykkt samhljóða að fyrirtækinu atNorth verði veitt vilyrði fyrir svæði við Hlíðarvelli þar sem nú eru sjö minni athafnalóðir. Lóðirnar eru veittar án auglýsingar. -
Edelstein og Vogler með Klassíska krufningu
Alexander Smári Kristjánsson Edelstein píanóleikari og Erla Dóra Vogler mezzosópran halda saman aðeins öðruvísi ljóðatónleika dreift um Norðausturland nú í maí mánuði. -
Hvert stefnir menningin?
Menningarstefna Akureyrarbæjar rann út árið 2018. Hún var unnin í nokkuð víðtæku samráði uppúr 2010. Stefnan var metnaðarfull og boðaði jákvæðar breytingar sem margar hafa gengið eftir. Í MA rannsókn minni frá 2021, „Hvernig á að fá þúsund blóm til að blómstra?“ kom m.a. fram að talsverð gjá var á milli þess sem stefnan boðaði og því sem raungerðist. Þetta má reyndar segja um margar stefnur, en einmitt þess vegna er mikilvægt að þær standi undir nafni og innifeli t.d. tímasettar raunhæfar aðgerðir. -
Uppbygging Hlíðarfjalls krefst nýrrar nálgunar í rekstri
Hlíðarfjall hefur á undanförnum árum þróast í einn stærsta vetraráfangastað landsins. Aðsókn hefur aukist jafnt og þétt og um helgar sækja þúsundir gesta fjallið þegar best lætur. Samhliða þessu hefur starf Skíðafélags Akureyrar (SKA) vaxið hratt og iðkendafjöldi tvöfaldast á um þremur árum. -
Virkar samgöngur eða virka samgöngur?
Á Akureyri er frábært að búa, hér er nánast alla þjónustu að fá, útivistarsvæði umlykja bæinn og stutt að fara eiginlega hvert sem er innanbæjar -
Systur láta af störfum eftir 78 ár samtals
Systurnar Lilja og Ragna Finnsdætur láta af störfum eftir að hafa starfað við fiskvinnslu á Fiskitanga á Akureyri í samtals 78 ár. Lilja í 26 ár og Ragna í 52 ár.
