Þór og KA gerðu bæði jafntefli
Fjögur mörk voru skoruð í leik KA og Fjarðabyggðar og komu þau öll í seinni hálfleik. KA- menn komust yfir í leiknum í upphafi seinni hálfleiks með marki frá Arnari Má Guðjónssyni. Nokkrum mínútum síðar fengu heimamenn dæmda vítaspyrnu. Vilberg Marinó Jónasson fór á vítapunktinn og skoraði örugglega. Heimamenn komust svo yfir í leiknum á 66. mínútu þegar Guðmundur Atli Steinþórsson skoraði fyrir Fjarðabyggð, nýkominn inn á sem varamaður. KA- menn lágu vel á heimamönnum á lokamínútum leiksins og það skilaði sér á 91. mínútu þegar Steinn Gunnarsson náði að jafna leikinn og tryggja gestunum eitt stig. Lokatölur á Eskifjarðarvelli 2-2. Eftir leikinn hafa KA- menn 15 stig og sitja í sjöunda sæti deildarinnar.
Á Ólafsfirði byrjuðu gestirnir í Þór betur og fengu tvö ágætis færi í upphafi leiks. Eftir það datt leikurinn niður og fátt markvert gerðist fyrr en á 35. mínútu þegar Hreinn Hringsson náði góðum skalla að marki heimamanna eftir sendingu frá Aleksandar Linta en Þorvaldur Þorsteinsson í marki heimamanna varði meistaralega. Staðan markalaus í hálfleik. Hreinn Hringsson var svo aftur á ferðinni á 70. mínútu leiksins þegar hann komst einn í gegnum vörn heimamanna en Þorvaldur, sem þá var kominn út úr teignum, varði frá honum með höndum og var því rekinn útaf. Heimamenn því einum færri það sem eftir lifði leiks. Eftir þetta sóttu Þórsarar hart að marki heimamanna og freistuðu þess að vinna leikinn en allt kom fyrir ekki og lokatölur á Ólafsfjarðarvelli því markalaust jafntefli. Eftir leikinn situr Þór í áttunda sæti deildarinnar með 13 stig.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."