Sigur hjá Þór í kvöld
Jafnræði var með liðunum í byrjun leiks en lítið var um marktækifæri. Það dró til tíðinda þegar 25 mínútur voru liðnar af leiknum en þá fengu gestirnir dæmda vítaspyrnu. Aron Már Smárason fór á vítapunktinn og skoraði af öryggi og kom gestunum yfir. Ármann Pétur Ævarsson var nálægt því að jafna metin fyrir Þór aðeins mínútu síðar en skaut boltanum rétt framhjá úr ágætis færi. Þegar tíu mínútur voru eftir af fyrri hálfleik fékk Jóhann Helgi Hannesson beint rautt spjald og var vikið af velli, ekki sást nákvæmlega hvað hafði átt sér stað en svo virðist sem einhverjar deilur hafi átt sér stað milli hans og eins leikmanns gestanna. Heimamenn því einum færri það sem eftir lifði leiks. Staðan í hálfleik 1-0 fyrir Njarðvíkinga og útlitið hreint ekki bjart fyrir Þór, einu marki undir og einum manni færri.
Þórsarar eru hinsvegar ekki þekktir fyrir að gefast upp og byrjuðu seinni hálfleikinn af krafti. Gestirnir voru hinsvegar nálægt því að komast tveimur mörkum yfir þegar þeir áttu skot í þverslánna á 64. mínútu en heimamenn sluppu með skrekkinn. Aðeins þremur mínútum síðar fengu Þórsarar dæmda vítaspyrnu. Aleksandar Linta tók spyrnuna og skoraði örugglega og jafnaði metin fyrir Þór, 1-1. Á 80. mínútu fengu heimamenn sína aðra vítaspyrnu dæmda og þá þriðju í leiknum. Ármann Pétur Ævarsson fór á vítapunktinn, lét verja frá sér, en náði frákastinu og kom boltanum í netið og heimamenn komnir yfir, 2-1. Á síðustu mínútu venjulegs leiktíma fékk Ármann Pétur Ævarsson sendingu frá Einar Sigþórssyni og tók sprettinn, lék á markvörð Njarðvíkinga og lagði boltann í autt markið. Lokatölur á Akureyrarvelli 3-1 sigur Þórs.
Eftir leikinn hefur Þór 12 stig og er í komið upp í sjöunda sæti deildarinnar.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."