Sauðburði að mestu lokið í Grobbholti
Þeir félagar Aðalsteinn og Moli
Það er óhætt að segja að félagsbúið Grobbholt á Húsavík hafi slegið algjörlega í gegn þetta vorið en sauðburði er að mestu lokið í þessu frægasta sauðfjárbúi undir sólinni.
Á síðasta ári mætti Grobbholt á samfélagsmiðla og það er eins og við manninn mælt vinsældir þess hafa farið með himinskautum, yfir þúsund fylgjendur og stanslausar heimsóknir enda finnst stórbóndanum, Aðalsteini Á. Baldurssyni fátt skemmtilegra en taka á móti gestum. Grobbholt var meira að segja áberandi í kosningabaráttunni því hver frambjóðandinn á fætur öðrum heimsótti búið í aðdraganda kosninga og fékk mynd af sér með stórbóndanum og forystufé hans.
Hefur undið upp á sig
„Já, þetta hefur aldrei verið svona vinsælt. Ég fór af stað með þetta jákvæða þema, sem marga langar til að upplifa en hafa ekki tækifæri til þess að en það er að koma í sauðburð. Ég setti upp þessa Facebooksíðu Grobbholts í fyrra og planið var að hafa bara eitthvað létt grín á þessari síðu. Sérstaklega í kringum sauðburð. Síðan hefur þetta undið upp á sig. Í fyrra fengum við 500 gesti, núna er komnir rúmlega 400 hundruð og langt frá því að vera búið,“ segir Aðalsteinn og bætir við að sumir komi oft og séu farnir að kannast við kindurnar á búinu.
Það hefur verið gestkvæmt í Grobbholti s.l. margar vikur
„Það er allskonar fólk að mæta, 90 prósent mæta bara án þess að gera boð á undan sér en svo eru stundum svona kallaklúbbar eða vinnustaðir sem vilja fá að mæta að kvöldlagi og hafa þá öl með sér og hafa gaman,“ segir Aðalsteinn enn fremur.
Frægasta fé landsins
Ein af stórstjörnum íslenska fjárstofnsins á lögheimili sitt að Grobbholti en það er hrúturinn Moli. „Það er verið að fjöldaframleiða boli með Mola mínum, sem seldir verða í minjagripabúðum og í fríhöfninni, með áletruninni „Moli from Grobbholt“. Ég er búinn að fá fyrsta bolinn og lýst svona vel á, en bolirnir hafa verið framleiddir í á annað þúsund eintökum í fyrstu útgáfu,“ útskýrir Aðalsteinn og bætir við að forystukindin hans hún Elding sem nýtur mikilla vinsælda meðal gesta Grobbholts, prýðir baksíðu á bók Guðna Ágústssonar, „Á ferð og flugi“. Þá er bæði Mola og Eldingu að sjálfsögðu að finna í bókinni Íslenskt forystufé.
Aðspurður segir Aðalsteinn að sauðburði á stórbúi eins og Grobbholti ljúki í raun aldrei „Það er ein sem ég átta mig ekki alveg á, annað hvort hefur hún fengið eða ekki og ef hún á að bera þá er það eftir einhverjar tvær vikur,“ segir hann og bætir við að búið sé þekkt fyrir frjósemi enda flesta ær, tví- og þrílembdar. „Það er gríðarleg frjósemi í Grobbholti og þannig að þakið lyftist af húsinu,“ segir Aðalsteinn lokum og kímir.
Nýjast
-
Tveir starfsmenn sem hafa starfað við VMA frá upphafi hætta störfum
Á starfsmannafundi í VMA sl. miðvikudag, síðasta starfsmannafundi skólaársins, var sex starfsmönnum skólans sem láta af störfum nú í vor sérstaklega þakkað fyrir farsæl störf sín við skólann og þeim færðar gjafir á þessum tímamótum. -
Vilja viðræður um sameiningu
Á aðalfundi Þingiðnar nýverið urðu umræður um sameiningu stéttarfélaga í Þingeyjarsýslum. Áður hafði Fulltrúaráð stéttarfélaganna, sem skipað er fulltrúum frá Þingiðn, Framsýn og Starfsmannafélagi Húsavíkur samþykkt að skora á félögin að taka málið upp og yfirlýsing þess efnis samþykkt. -
Húsavík - Nemendur 5. bekkjar luku námi í Hvalaskólanum
Einn stærsti atvinnuvegur Húsavíkur og Norðurþings er ferðaþjónusta en hún hefur að miklu leyti byggst upp kringum hvalaskoðun á Skjálfandaflóa enda er Húsavík stundum nefnd hvalahöfuðborg Íslands. Þegar atvinnuvegir fá súrefni til að stækka og jafnvel blómstra hefur það oftar en ekki jákvæð keðjuverkandi áhrif. Hvalaskoðun hefur þannig verði lyftistöng fyrir vísindi undirdjúpanna og fóstrar rannsóknir á hvölum og öðru lífríki Skjálfanda. -
Sauðburði að mestu lokið í Grobbholti
Það er óhætt að segja að félagsbúið Grobbholt á Húsavík hafi slegið algjörlega í gegn þetta vorið en sauðburði er að mestu lokið í þessu frægasta sauðfjárbúi undir sólinni. -
Lokaorðið - Lífið er lærdómur
Þegar maður heldur að nú kunni maður allt sem vert er að kunna kippir lífið í mann og minnir á að svo sé nú hreint ekki. Fljótfærni er mér í blóð borin og fljótfærnin varð mér að falli síðasta Uppstigningardag. -
Vísindafólkið okkar – Ragnheiður E. Þorsteinsdóttir Skagfirski stjórnarskrársérfræðingurinn sem spilar á fiðlu
Vísindafólkið okkar er mánaðarleg kynning á rannsakendum Háskólans á Akureyri. Ragnheiður E. Þorsteinsdóttir, lektor við lagadeild, er vísindamanneskja maímánaðar. -
Blöndulína 3 fer í jörðu eins fljótt og auðið er
Samkomulag á milli Akureyrarbæjar og Landsnets um lagningu Blöndulínu 3 og legu hennar innan bæjarmarka sveitarfélagsins hefur verið undirritað. Þar er staðfest að línan verði ofanjarðar til bráðabirgða en að henni verði komið í jörðu eins fljótt og auðið er þegar tæknilegar forsendur eru uppfylltar án kostnaðarþátttöku sveitarfélagsins. -
Gedda treyjan - Fallegt framtak Þórsara
Gestur Arason, ötull sjálfboðaliði í Þór og núverandi liðsstjóri meistaraflokksliðs karla greindist með bráða hvítblæði í byrjum maí og er í erfiðri meðferð á Landspítalanum sem mun taka sinn tíma, hve langan er erfitt um að segja. -
ALARK arkitektar hlutu fyrstu verðlaun í samkeppni um skipulag Akureyrarvallar
Arkitektastofan ALARK arkitektar hlýtur fyrstu verðlaun í samkeppni um skipulag Akureyrarvallar og nágrennis. Alls bárust 16 tillögur í samkeppnina sem Akureyrarbær efndi til í samstarfi við Arkitektafélag Íslands. Ein tillaga reyndist ógild og fjallaði dómnefnd því um 15 gildar tillögur. Í öðru sæti var tillaga marimo arkitekta, Brúum hjarta Akureyrar og í þriðja sæti var tillaga Teikna - Teiknistofu Arkitekta, Vallartorg.
