Rekstrarafkoma FSA í byrjun árs er verri en áætlað var
Í lok aprílmánaðar er rekstrarkostnaður umfram tekjur og fjárveitingar 46,8 milljónir eða 3,6% miðað við fjárlög. Nokkrar breytingar hafa orðið á starfsemi sjúkrahússins fyrstu fjóra mánuði ársins miðað við fyrra ár. Ef frá er talin fækkun legudaga í hjúkrunarrýmum (Sel) hefur legudögum fjölgað um 4% en fjöldi sjúklinga er svipaður. Aðgerðum hefur fækkað um 10% en helmingur þess stafar af fækkun blöðruspeglana. Komum á slysadeild hefur fjölgað um 16,7% frá síðasta ári. Veruleg aukning hefur orðið á myndgreiningum, speglunum og vefjarannsóknum en almennar rannsóknir standa í stað.
Launakostnaður í lok apríl nemur 1.029 milljónum og hefur hækkað um 12,5% miðað við árið 2007. Á tímabilinu hefur launakostnaður farið 24 milljónir króna framúr áætlun eða 2,4%. Ástæður þess eru m.a. aukin langtímaveikindi sem leitt hafa af sér fjölgun á setnum stöðum og fleiri aukavaktir. Þá hafa áhrif stofnanasamninga og launaskrið leitt af sér meiri hækkanir en áætlanir gerðu ráð fyrir.
Almenn rekstrargjöld nema samtals 394 milljónum og hafa hækkað um 7,6% miðað við fyrra ár. Vísitala neysluverðs hefur hækkað að meðaltali um 8,3% að meðaltali frá fyrra ári en í forsendum fjárlaga var aðeins gert ráð fyrir 3,8% hækkun. Þá hafði í apríllok orðið um 25% hækkun á gengisvísitölu en hún hefur bein áhrif á um helming almennra rekstrargjalda. Lyfjakostnaður hefur hækkað um 7% milli ára, þar af S-merkt lyf um 11,5%. Vörur til lækninga og hjúkrunar hafa einnig hækkað um 7% og veruleg hækkun hefur orðið á varahlutum til lækningatækja og búnaðar. Í heildina hafa almenn rekstrargjöld farið 23 milljónir framúr áætlun eða 6,2%. Sértekjur fyrstu fjóra mánuði ársins eru 123 milljónir og hafa hækkað um 15% og er það í samræmi við áætlun.
Gera má ráð fyrir að rekstrarkostnaður hækki enn hlutfallslega eftir því sem líður á árið og áhrifa hækkandi verðlags og gengis gætir í auknum mæli, segir í frétt á vef FSA.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."