Orka til Akureyrar
Andri Teitsson er bæjarfulltrúi fyrir L-Listann á Akureyri og skipar 5. sæti listans í komandi kosningum
Bæjarstjórn Akureyrar samþykkti samhljóða á dögunum að auglýsa aðalskipulag vegna nýrrar Blöndulínu 3 sem Landsnet hyggst reisa og reka á 220 kV spennu. Eftir margra ára togstreitu við Landsnet náðist viðunandi samkomulag um útfærslu á línunni sem tryggir að hún verði lögð í jörð næst þéttbýlinu á Akureyri eins fljótt og tæknilegar forsendur leyfa. Línan mun tryggja flutning á raforku frá Blönduvirkjun til Eyjafjarðarsvæðisins. Úr hinni áttinni færir Hólasandslína 3 okkur raforku frá hinu öfluga Þeistareykjasvæði í Þingeyjarsýslum, en sú lína var tekin í notkun árið 2022.
Þessi bætta tenging Akureyrar við raforkukerfi landsins færir okkur margvísleg tækifæri. Skýrasta dæmið er líklega kröftug uppbygging á gagnaveri AT North við Hlíðarfjallsveg. Fyrsti áfangi gagnaversins var tekinn í notkun fyrir tæplega þremur árum í júní 2023. Síðan hefur fyrirtækið þrívegis óskað eftir stækkun á lóð og hefur Akureyrarbær tekið jákvætt í það í öll skiptin. Nú þegar hefur það sýnt sig að mörg bein og óbein störf skapast, ekki aðeins við uppbygginguna, heldur einnig við reksturinn. Þetta eru margvísleg og vel launuð störf sérfræðinga, iðnaðarmanna, stjórnenda ofl. og góð viðbót við okkar samfélag. Þá er tryggt í samningum að Akureyrarbær hefur möguleika á að nýta afgangsvarma frá gagnaverinu, annað hvort til beinnar atvinnusköpunar svo sem ylræktar, eða sem viðbót við orkuöflun hitaveitu Norðurorku til að mæta þörfum stækkandi samfélags.
Nú er það okkar að koma auga á fleiri tækifæri til uppbyggingar á Eyjafjarðarsvæðinu sem byggja á aðgangi að raforku og að hrinda þeim í framkvæmd. Þarna má nefna uppbyggingu á Akureyri til að geta boðið raforku til skemmtiferðaskipa og annarra skipa, uppbyggingu á Dysnesi til að styrkja öryggisinnviði landins og þjónusta vaxandi umsvif á Grænlandi og í Norður-Atlantshafi, landeldi á laxi, ylrækt, ferðaþjónustu, og fleira.
Og auðvitað þarf heilmikla raforku til orkuskipta almennt í samgöngum á landi, sjó og jafnvel lofti.
Höfundur er bæjarfulltrúi fyrir L-Listann á Akureyri og skipar 5. sæti listans í komandi kosningum.
Nýjast
-
Saumanámskeiðin slá í gegn
Það er greinilega ekki dottið úr tísku að sauma flíkur. Síður en svo. Þetta hefur verið rækilega undirstrikað núna á vorönn því á skömmum tíma voru fullbókuð saumanámskeið í SÍMEY hjá Kristínu Þöll Þórsdóttur klæðskera og biðlisti var á þau bæði. -
Finnum við ekki til ábyrgðar vegna ástandsins á Hlíð?
Á dögunum neitaði skipulagsráð umsókn Heilsuverndar um lóð við Þingvallastræti, lóð sem var lengi frátekin fyrir heilsugæslu en er nú hluti af uppbyggingu á tjaldsvæðisreit. Lóðin, sem enn hefur ekki verið boðin út, er skilgreind sem verslunar- og þjónustulóð. Heilsuvernd hugðist koma þarna upp heilbrigðisþjónustu fyrir aldraða í tímabundnar dvalir og endurhæfingu. Rökin fyrir því að hafna umsókninni voru að ekki væri búið að auglýsa hana og skipulagsfulltrúa falið að ræða við umsækjanda um mögulega staðsetningu fyrir fyrirhugaða þjónustu. Við vitum að sú leit gæti tekið einhvern tíma og engin tilbúin lóð í sjónmáli. Á meðan bíða eldri borgarar eftir nauðsynlegri þjónustu. -
Akureyringar. Alþingi er komið í frí !
Ástæða þess að Alþingi hefur lokið störfum í bili er að sveitarstjórnarkosningar eru nú í maí. Þingmennirnir þurfa að fara heim í hérað og hjálpa við að leggja línurnar fyrir flokkinn sinn og koma “réttum” áherslum, til sinna manna. -
Strætó, bílar, rafhjól og gangandi fólk
Stækkun bæjarins með tilheyrandi lengri vegalengdum innanbæjar hefur haft í för með sér mikla fjölgun bíla á Akureyri undanfarin ár. Nú eru fleiri einkabílar á mann á Akureyri en á höfuðborgarsvæðinu. Skipulagið og stopular ferðir strætisvagna gera það að verkum að flest heimili komast varla af án tveggja bíla. Þetta eykur umferð og nú er farið að bera á töfum í umferðinni á Akureyri. Einkum á þetta við um gatnamót Hörgárbrautar, Glerárgötu, Borgarbrautar og Tryggvabrautar, en einnig myndst langar raðir á Hlíðarbraut í lok vinnudags og víðar. Að sama skapi hefur nýting á bílastæðum miðsvæðis aukist. Fjölgun bíla og aukinni umferð fylgja ókostir eins og lengri ferðatími, færri laus bílastæði og aukið svifryk. -
Viltu hirða BSO?
Einhvern timan hefði þetta verið talið góð frétt 1 april en í dag er 7 mai og hér er ekki gabb á ferð. heimasíðu Akureyrarbæjar er i dag boðið heilt hús gefis! -
Blómlegt hjá Guðbjörgu í Bergi
Guðbjörg Ringsted opnar málverkasýninguna Blómlegt í Bergi, Menningarhúsinu á Dalvík á laugardag, 9 maí. -
Heilsuvernd óskar eftir lóð við Þingvallastræti
Heilsuvernd hefur óskað eftir því að fá úthlutað lóð við Þingvallastræti 23 á Akureyri undir heilbrigðisþjónustu fyrir aldraða í tímabundnar dvalir og endurhæfingu auk þjónustu við slíka starfssemi. Heilsuvernd Hjúkrunarheimili á Akureyri rekur í tvær einingar í Austurbyggð og Vestursíðu samkvæmt samningi við Sjúkratryggingar Íslands. -
Lóð við Vestursíðu aftur til bæjarins
Lóðinni við Vestursíðu 13 á Akureyri fellur á ný til bæjarins, en henni hafði verið úthlutað fyrir þremur árum, í apríl árið 2023 til Framkvæmdasýslu - Ríkiseigna (FSRE) til uppbyggingar 80 rýma hjúkrunarheimilis. -
Tækifæri vestan Hagahverfis
Vestan við Hagahverfi liggur eitt áhugaverðasta uppbyggingarsvæði Akureyrarbæjar til framtíðar. Þar eru raunveruleg tækifæri til að mæta vaxandi íbúðaþörf, styrkja innviði og byggja upp fjölbreytt og gott umhverfi.
