Naumt tap hjá KA- mönnum
KA- menn töpuðu sínum öðrum leik í röð í 1. deild karla á Íslandsmótinu í knattspyrnu þegar þeir töpuðu naumlega gegn Víkingi Ó. í Ólafsvík um helgina. KA- menn byrjuðu leikinn betur og voru líklegri til að skora og átti Almarr Ormarsson m.a. skalla í þverslánna snemma í leiknum. Það voru hins vegar heimamenn sem áttu besta færi fyrri hálfleiksins og það fékk Dalibor Nedic þegar hann þrumaði boltanum yfir úr dauðafæri í markteignum. Staðan markalaus í hálfleik.
KA- menn héldu áfram að sækja í seinni hálfleik og það bar árangur á 57. mínútu og var það fyrirliði KA- liðsins Almarr Ormarsson sem var þar á ferðinni og skoraði með föstu skoti. Eftir markið fóru Víkingar að pressa meira að marki gestanna og náðu hægt og bítandi tökum á leiknum. Þeir náðu að jafna leikinn á 71. mínútu þegar Brynjar Víðisson skoraði beint úr aukaspyrnu eftir að Matus Sandor í marki KA hafði misreiknað boltann. Heimamenn sóttu stíft í lokin og þegar tvær mínútur voru komnar fram yfir venjulegan leiktíma skoraði Gísli Freyr Brynjarsson sigurmarkið í leiknum. KA- menn rétt náðu að taka miðju áður en dómarinn flautaði leikinn af.
Lokatölur á Ólafsvíkurvelli 2-1 sigur heimamanna. Grátlegt tap hjá KA- mönnum sem voru óheppnir að ná ekki stigi úr leiknum. Eftir að hafa verið komnir á ágætis skrið í deildinni hafa KA- menn nú tapað síðustu sex stigum af síðustu sex mögulegum og eru í sjötta sæti deildarinnar með 14 stig eftir 11 leiki.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."