Mikil lyftistöng fyrir lögreglumenn framtíðarinnar
Háskólinn á Akureyri er að ljúka vinnu við þátttökuyfirlýsingu vegna útboðs háskólanáms í lögreglufræðum.
„Háskólinn á Akureyri er sérstaklega vel til þess fallinn að hýsa lögreglunám á háskólastigi í framtíðinni,“ segir Eyjólfur Guðmundsson, rektor HA.
HA er að ljúka vinnu við metnaðarfulla þátttökuyfirlýsingu að námi í lögreglufræðum sem skilað verður inn til Ríkiskaupa á næstu dögum. Sérstök nefnd innan skólans hefur undanfarnar vikur unnið að mótun ramma utan um þetta nýja nám.
Í yfirlýsingunni er gert ráð fyrir að námið sé í boði bæði í staðarnámi og í sveigjanlegu námi og að verklegi hluti námsins verði þróaður í nánu samstarfi við Ríkislögreglustjóra og nýja stofnun, Mennta- og starfsþróunarsetur lögreglu (MSSL).
Í yfirlýsingu Háskólans á Akureyri er gert ráð fyrir 120 eininga tveggja ára starfstengdu diplómanámi en einnig er hægt að ljúka bakkalárnámi í lögreglufræðum til 180 eininga. Jafnframt er gert ráð fyrir sérsniðnu námskeiði fyrir lögreglumenn sem taka að sér verklega þjálfun nemenda, svokallaða handleiðara. Í tillögum HA er gert ráð fyrir nýju fræðasetri í lögreglufræði þar sem byggja á upp rannsóknir í lögreglufræðum en það fræðasvið hefur verið í algeru lágmarki til þessa.
Landssamband lögreglumanna hefur lagt áherslu á að hægt verði að stunda þetta nám óháð búsetu og rektor HA telur reynslu háskólans í fjarnámi og sveigjanlegu námi muni nýtast sérlega vel við uppbyggingu námsins í lögreglufræðum og auki möguleika starfandi lögreglumanna á að sækja sér viðbótarmenntun samhliða starfi. Þessi möguleiki dragi úr kostnaði nemenda og auðveldi fjölskyldufólki og fólki úr hinum dreifðu byggðum að afla sér menntunnar á þessu sviði. Í yfirlýsingu HA kemur fram listi yfir fólk sem tæki að sér kennslu grunnnámskeiða í lögreglufræðum og jafnframt listi yfir fólk með mikla reynslu úr réttarkerfinu sem er tilbúið að sinna stundarkennslu við skólann. Þóroddur Bjarnason, prófessor, verður í forsvari fyrir nýju brautina.
„Ég þekki aðstæður mjög vel á Akureyri og kennsluaðferðirnar. Ég tel að þetta nám ætti vel heima innan veggja Háskólans á Akureyri. Sérstaklega af því að HA er með fjarnámsmöguleika sem Landssamband lögreglumanna hefur lagt gríðarlega áherslu á að sé í boði fyrir tilvonandi lögreglunema,“ sagði Frímann Baldursson varaformaður Landssambands lögreglumanna þegar Vikudagur falað- ist eftir viðbrögðum hans.
Í útboðsgögnunum er gert ráð fyrir því að kennsla hefjist á haustdögum. Að sögn rektors er tíminn mjög knappur en hann telur þó að hægt verði að hefja kennsluna á áætluðum tíma, enda eru mörg af námskeiðunum þegar fullmótuð. Þó má gera ráð fyrir að það þurfi að grípa til einhvers konar aðlögunarferlis í upphafi námsins. Háskólaráð á eftir að fá málið til umfjöllunar.
Væntanlegt lögreglunám verður hýst á félagsvísinda- og lagadeild. Kjartan Ólafsson, deildarformaður, segir að ef námið komi norður verði það mikil lyftistöng fyrir lögreglumenn framtíðarinnar, fyrir landið allt og fyrir skólann. Kjartan segist hafa orðið var við mikinn áhuga fyrir þessu nýja lögreglunámi á háskólastigi og telur að allir innviðir skólans geti stuðlað að vönduðu námsframboði. Hann segir að HA hafi mikla reynslu af því að þróa starfsnám m.a. í kennslufræðum og hjúkrunarfræði. Sú reynsla komi að góðum notun við þróun starfsnáms í lögreglufræðum við Há- skólann á Akureyri. -epe
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
