Hvernig leysum við flókin vandamál?
Sæunn, sérfræðingur hjá Rannsóknamiðstöð Háskólans á Akureyri, sótti nú í júlí námskeiðið Problem Solving & Decision Making, sem haldið var á vegum ShipCon í Palermo á Sikiley. Hún mætti á Morgunvakt Rásar 2 á dögunum þar sem hún ræddi við þáttastjórnendur um námskeiðið. Smelltu hér til að hlusta, viðtalið byrjar á mínútu 53.35.
Námskeiðið er meðal annars ætlað skólastjórnendum, kennurum og akademísku starfsfólki sem vill efla færni sína í gagnrýninni hugsun og upplýstri ákvarðanatöku. Meginmarkmið námskeiðsins voru að efla færni þátttakenda í að skilgreina og greina vandamál, finna undirliggjandi orsakir þeirra og meta mögulegar lausnir. Jafnframt var lögð áhersla á að velja og sannreyna bestu lausnina ásamt því að undirbúa innleiðingu, samskipti og eftirfylgni.
Settu upp hugsunarhattana
Mikið var um teymisvinnu á námskeiðinu og meðal hápunkta var að nota sex hugsunarhatta Edward de Bono (e. The Six Thinking Hats) til að greina og leysa vandamál í hópi. Með slíkan hatt á höfði þarf hver einasti einstaklingur að máta sig við mismunandi viðhorf gagnvart vandamálinu. Þau sem setja upp gula hattinn eiga til dæmis að vera bjartsýn og sjá möguleikana á meðan þau með rauða hattinn eiga að bregðast við vandamálinu með tilfinningar að leiðarljósi.
Dvölin á Sikiley var afar lærdómsrík og naut Sæunn þess að kynnast fólki frá fjölmörgum Evrópulöndum. Þannig gafst tækifæri til að mynda tengsl við sérfræðinga í öðrum löndum sem möguleiki er á að vinna með síðar meir. Mörg höfðu jafnframt áhuga á að heimsækja Háskólann á Akureyri.
Sæunn Gísladóttir, sérfræðingur hjá RHA, stödd á þaki dómkirkjunnar í Palermo.
Sæunn naut þess að sækja námskeiðið og að vera á þessari mögnuðu eyju þar sem margir, til dæmis Halldór Kiljan Laxness, hafa fundið fyrir miklum innblæstri í sköpun. Sæunn mælir með því að starfsfólk háskólans nýti sér tækifærið að sækja námskeið í gegnum Erasmus+ mobility til að sækja sér aukna þekkingu og mynda tengsl við aðra skóla.
Námskeiðið var í boði Erasmus+ mobility og var kennt af Angelu Winstanley, félagsráðgjafa með víðtæka reynslu af því að stjórna teymum á flóknum sviðum.
Nýjast
-
Þrír nýir útsýnisstaðir í Holtahverfi
Á vef Akureyrarbæjar segir frá þvi að nú standi yfir gerð þriggja útsýnisstaða í Holtahverfi. Verið er að smíða palla þar sem verða bekkir til að til að tilla sér á og njóta þess sem fyrir augu ber ,,hvort heldur sem er út eða fram fjörðinn eða upp til fjalla" eins og segir í áðurnefndri frétt á akureyri.is. -
Hvernig leysum við flókin vandamál?
Sæunn, sérfræðingur hjá Rannsóknamiðstöð Háskólans á Akureyri, sótti nú í júlí námskeiðið Problem Solving & Decision Making, sem haldið var á vegum ShipCon í Palermo á Sikiley. Hún mætti á Morgunvakt Rásar 2 á dögunum þar sem hún ræddi við þáttastjórnendur um námskeiðið. Smelltu hér til að hlusta, viðtalið byrjar á mínútu 53.35. -
Við höfum engu að tapa – þess vegna segi ég já
Fram til þessa hefur undirritaður haldið sig til hlés í umræðunni um þjóðaratkvæðagreiðsluna sem fram fer næsta laugardag. Ekki vegna þess að ég hafi ekki skoðun á málinu, ekki vegna þess að ég hafi ekki gert upp hug minn heldur vegna þess að mér þykir þetta vera mál þjóðarinnar, fólksins í landinu sem á skilið að taka upplýsta og yfirvegaða ákvörðun án afskipta stjórnmálanna, peningaaflanna eða annarra sérhagsmunafla. -
Sundlögin okkar
Karlakór Eyjafjarðar heldur tónleika í sundlauginni í Hrafnagilshverfi næsta fimmtudag, 27. ágúst kl. 20.00. -
Nemendur í Jarðahitaskóla hjá Norðurorku
Nemendur úr Jarðhitaskóla Sameinuðu þjóðanna (GRÓ) heimsóttu Norðurorku til að kynna sér starfsemi fyrirtækisins og rekstur hitaveitna á svæðinu. Heimsóknir þessar hafa verið fastur liður í sumaráætlun skólans um árabil. -
Það eru breyttir tímar
Afi minn hét Þóroddur Jónasson. Hann var lengi héraðslæknir á Breiðumýri í Reykjadal og lést árið 1994. Ég leit mjög upp til hans. -
Grímur Sigurðsson tekur Sjallalögin Leikið fyrir dansi á Ráðhústorgi
Grímur Sigurðsson er fæddur og uppalinn Akureyringur. Byrjaði tíu ára að spila á trompet í Lúðrasveit Barnaskóla Akureyrar. Hefur alla tíð síðan spilað á ýmis hljóðfæri og sungið með mörgum hljómsveitum, lengst þó með hljómsveit Ingimars Eydal eða samtals 14 ár. -
Fjármálavit gefur grunnskólum nýtt borðspil um fjármálalæsi
Fjármálavit gefur grunnskólum landsins eintak af nýja borðspilinu Aur og áhættu. -
„Ég trúi því að innsæið sé eitt mikilvægasta leiðsagnarkerfið okkar í gegnum lífið“
Huld Hafliðadóttir stendur fyrir viðburðinum Mjúkri lendingu fyrir konur í Tungulendingu – helgi þar sem kyrrð, náttúra og rými til að hægja á sér eru í forgrunni
