Hjalti Jón bæjarfulltrúi vill efla löggæslu á Akureyri
Hann vakti máls á löggæslumálum á fundi bæjarráðs nýverið, en hann hefur að sögn lengi verið talsmaður þess að efla löggæslu í bænum. Að mati Hjalta Jóns hefur lögreglan ekki nægilegt bolmagn til að sinna löggæslu í bænum sem skyldi. Liðið sé gott og fagmennska ríkjandi innan lögreglunnar en mannekla hái starfseminni. Lögreglumenn séu svo til jafnmargir nú og þeir voru fyrir þrjátíu árum. "Það er of lítill kraftur til að sinna ýmsum málaflokkum og af því hef ég verulegar áhyggjur og veit að fleiri deila þeim með mér," segir hann.
Hjalti Jón nefnir að fyrir skömmu hafi brotist úr fjöldaslagsmál í bænum og lögregla kölluð til að skakka leikinn. Haft hafi verið eftir aðstoðaryfirlögregluþjóni að um hafi verið að ræða átök milli tveggja hópa innan fíkniefnaheimsins. Þegar lögregla hafi náð tökum á slagsmálum hafi aðilar einfaldlega farið af stað á ný og selt sín fíkniefni, án þess að neitt væri hægt að gera. "Vímuefni eru seld hér í bæ í stórum stíl án þess að lögreglan fái rönd við reist. Hún er of fáliðuð til að fást við þennan málaflokk, getur ekki fylgt málum eftir sökum manneklu," segir Hjalti Jón.
Hann nefnir einnig að til staðar sé í bænum ágætur þjálfaður fíkniefnahundur, en þannig hátti til að hann fylgi umsjónarmanni sínum og er því bara á "vakt" þegar viðkomandi lögreglumaður sé á vaktinni. Hann sé því ekki nægilega virkur og það sé afar slæmt. Þetta segir Hjalti Jón að fíkniefnasalar nýti sér, þeir kynni sér vinnubrögð lögreglunnar og hagi sér í samræmi við þau að þessu leyti. "Hundurinn þarf stöðuga þjálfun, hann verður að vera tiltækur hvenær sem er, hann þarf fleiri verkefni til að halda sér í formi."
Hjalti Jón segir lögreglu vita mæta vel hvað sé á seyði í bænum þegar að fíkniefnamálum komi en hafi ekki slagkraft til að fylgja málum eftir. Hún geti ekki tekið af krafti á málum og það sé afar slæmt. Þá segir hann sýnileika lögreglu ekki nægilegan og telur að margt ungt fólk komist upp með hraðakstur á götum bæjarins. Það hafi yfir að ráða öflugum bílaflota og nýti sér kraftinn í miklum mæli. Af því hafi hann verulegar áhyggjur.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."