Eitt og hálft ár frá frá því aurskriðurnar féllu í Eyjafjarðarsveit
Gestum var boðið að þiggja veitingar og skoða uppbygginguna sem átt hefur sér stað, eftir að aur- og snjóskriður féllu á bæinn fyrir einu og hálfu ári. Fjölmargir ættingar og vinir hafa komið að hreinsun og uppbyggingu á bænum og vildu þau María og Óskar þakka fyrir sig með þessum hætti. Þau voru að vonum ánægð með hversu margir komu í heimsókn á laugardag. Mikil mildi þykir að ekki urðu slys á fólki í hamförunum þann 20. desember 2006 en miklar skemmdir urðu á húseignum í Grænuhlíð. Skriður féllu á íbúðarhús og gamalt fjós og drápust um 20 gripir. Að minnsta kosti tvær skriður féllu á bæinn, önnur sprengdi upp hurð og barst mikill aur inn í eldhús og olli miklum skemmdum.
"Ef við hefðum verið komin í fjósið hefði ekki þurft að spyrja að leikslokum," sagði María í samtali við Vikudag daginn eftir að skriðurnar féllu á bæinn. "Við fórum í fjósið upp úr klukkan hálf sjö en bóndanum datt í hug að keyra suður af heimreiðinni á traktornum en þá kom önnur skriða. Við flýttum okkur þá heim að bæ til að ná í strákinn og náðum svo að forða okkur við illan leik. Þarna höfðu komið fleiri skriður beggja vegna bæjarins og þótt við værum á öflugum traktor áttum við fullt í fangi með að komast í burtu," sagði María ennfremur í umræddri frétt þann 21. desember 2006.
Aurskriður féllu víðar í firðinum á þessum tíma, miklar vegaskemmdir urðu í Eyjafjarðarsveit, ær drukknuðu og mikið tjón varð hjá Fallorku. Maður og hundur björguðust giftursamlega er bíll mannsins hafnaði í Djúpadalsá. Þá varð milljóna tjón á götum og húsum á Akureyri þegar vatn flæddi þar um allt, vegna mikilla flóða í kjölfar rigninga og hlýinda. Einnig var mikið hvassvirði þar sem allt lauslegt fauk til og tré rifnuðu upp með rótum.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."