Að reka sveitarfélag
Áki Hauksson skrifar
Næsta áskorun sveitastjórnar Norðurþings verður að lækka rekstragjöld, lækka skuldir og taka til í rekstri sveitarfélagsins. Heilbrigt sveitarfélag verður að hafa svigrúm til að reka grunnþjónustu sína sómasamlega með fagmenntuðu starfsfólki á sem flestum sviðum. Laða verður að lítil og meðalstór fyrirtæki í sveitarfélagið, skapa grunn og liðka fyrir fjölbreytilegum fyrirtækjum, því þau fyrirtæki ásamt útflutningsfyrirtækjum halda upp allri opinberri þjónustu og skapa tekjustreymi. Forgangsmál verður að vinna í því að fá fleiri fyrirtæki á Bakka, bæði til að nýta þá fjárfestingu sem fyrir er og auka tekjur sveitarfélagsins. Takist okkur að auka fyrirtækja-flóru sveitarfélagsins aukast tekjur, svigrúm til lækkun skulda sveitarfélagsins verða betri, grunnþjónustan eflist og reksturinn batnar, við það skapast möguleiki á að lækka gjöld.
Leggjum ekki grjót i götur lítilla og meðalstórra fyrirtækja með rammasamningi ríkiskaupa líkt og gert var á þessu kjörtímabili. Nánast öllum iðnmeisturum og fyrirtækjum þeirra í Norðurþingi var meinað að vinna fyrir sveitarfélagið þar sem sveitarfélagið gætti ekki að sér þegar það samþykkti í heild sinni rammasamning ríkiskaupa, þetta sýnir svart á hvítu þankagang núverandi sveitastjórnar gagnvart einkafyrirtækjunum sem eru einn af máttarstólpum sveitarfélagsins. Hægt er að opna á það í September í haust að endurskoða þá þætti í samningnum sem og ná því besta út úr honum sem hentar sveitarfélaginu sem best.
Sveitarfélagið verður að beita sér af fullum þunga í gegnum Samband Íslenskar Sveitarfélaga vegna þeirra þjónustu sem sveitarfélögin hafa fengið í fangið frá ríkinu um að nægt fjármagn fylgi til þess rekstrar.
Taka verður samtalið á sama vetfangi við ríkisvaldið um hátækni sorpbrennslur sem gætu verið staðsettar á köldum svæðum um landið og varmi þeirra nýttur til húshitunar.
Eitt af því sem verður að gera nú er langtíma viðhaldsáætlun á húsnæði og íþróttamannvirkjum sveitarfélagsins, mætti hugsa sér 10 ára áætlun þar sem verður forgangsraðað eftir viðhaldsþörf, gera trúverðugar tilboðs/kostnaðaráætlanir í stærri viðhaldsverkefni og undirbúa vel.
Loforð þessa kjörtímabils verða að vera hófleg og taka mið af getu og þá sérstaklega fjárhagstöðu sveitarfélagsins, skuldasöfnun síðustu ára eru sveitarfélaginu þungur baggi að draga í dag, dregur úr mætti sveitarfélagsins til að þjónusta samfélagið eins og það ætti að gera.
Höfundur er oddviti M – Lista samfélagsins í Norðurþingi
Áki Hauksson
Nýjast
-
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík. -
Í ljósi fréttar um vorboðann ljúfa
Vefnum barst tölvupóstur með myndum og texta frá konu sem átti leið um miðbæ Akureyrar i morgun. Eins og sjá má var henni og liklega fleirum sem þar áttu leið um misboðið. -
Berjumst fyrir okkar málefnum, en til þess þurfum við og okkar samtök að glaðvakna.
Undanfarið hefur nokkuð verið rætt um kjör okkar eldri borgara og hvernig við séum afskipt þegar kemur að kjarabótum. -
Skýr markmið og þrautseigja skila árangri - Saga um gefandi samstarf
Gústaf Baldvinsson framkvæmdastjóri Seagold Ltd., sem er sölufélag Samherja í Bretlandi, skrifar hér um skemmtilegt og gefandi samstarf við Dag Benediktsson sem í síðasta mánuði náði þeim frábæra árangri að verða fimmfaldur Íslandsmeistari á skíðum. -
Fjármálalæsi Jöfnun stöðu allra barna
Við teljum afar brýnt að jafna stöðu allra barna þannig ekkert barn fari upp úr grunnskóla án þess að búa yfir lágmarksþekkingu í fjármálalæsi ekki frekar en börn fara út í umferðina án þess að kunna umferðarreglurnar. -
Greiðum veginn
Jarðgöng bæta samgöngur Það má með sanni segja að páskahretið hafi haft mikil áhrif á ferðalög landsmanna síðustu daga. Víða voru vegalokanir með tilheyrandi vandkvæðum fyrir þá sem þurftu að komast leiðar sinnar. Það er mjög skiljanlegt að umræður um jarðgöng verði háværari þegar vegir lokast í lengri tíma. Ég tek undir þá umræðu og tel afar brýnt að ávallt séu í gangi framkvæmdir við jarðgöng á hverjum tíma, ef ekki tvenn. Jarðgöng eru mikilvæg fyrir samfélagsuppbyggingu á hverjum stað, eins og dæmin sanna og geta skipt sköpum fyrir atvinnurekstur á landsbyggðinni svo ekki sé minnst á öryggið. -
Fjölmiðlastjarna og spriklandi doktor með ástríðu fyrir hjartanu og þjónandi forystu
Vísindafólkið okkar er mánaðarleg kynning á vísindafólki Háskólans á Akureyri. Vísindamanneskjan í mars er Sigurður Ragnarsson, lektor við Viðskiptadeild. Samhliða lektorsstöðunni sinnir hann eigin fyrirtæki, Forysta og samskipti, sem hann stofnaði og rekur í dag.
Athugasemdir