Veittist að dómurum-Hugsanlega sviptur verðlaunum og dæmdur í keppnisbann
Það er á fleiri stöðum en í handboltanum sem taka þarf á agavandamálum þar sem íþróttamenn frá Akureyri koma við sögu þessa dagana. Nú hefur blossað upp agavandamál vegna framgöngu Sigurkarls Aðalsteinssonar á Íslandsmóti líkamsræktarmanna sem fram fór í Háskólabíói um páskana.
Sigurkarl lenti í öðru sæti í vaxtarrækt á eftir Magnúsi Bess Júlíussyni en var ekki par sáttur við þá niðurstöðu. Í kjölfarið veittist hann að dómurum með grófum hætti og hinum ýmsu formælingum. Þykir Sigurkarl hafa sýnt bæði dómurum, íþróttinni og ekki síst öðrum keppendum lítilsvirðingu og dónaskap með þessu framferði.
Sambærileg atvik hafa ekki komið upp hérlendis áður á mótum Alþjóðasambands líkamsræktarmanna en það er ljóst að um gróft brot á siðareglum sambandsins er að ræða. Málið hefur verið sent erlendis til meðferðar aganefndar sem væntanlega mun senda frá sér niðurstöðu innan skamms.
Ekki er ólíklegt að niðurstaðan verði tímabundið keppnisbann og hugsanlega svipting verðlauna. Þetta kemur fram á fitness.is.
Nýjast
-
Nùvitund
Nokkuð hefur verið fjallað um núvitund og það að allir þurfi að ná tökum á þessar aðferð til að slaka á og núllstilla sig. Stress er fylgifiskur nútíma lífs og stundum verður það svo mikið að fólk hreinlega veikist. Án þess að vera sérstakur sérfræðingur í núvitund hefur mér skilist að galdurinn sé að vera hér og nú, í augnablikinu. -
Aldrei fleiri stúdentar við Háskólann á Akureyri
„Nýnemadagar eru einn af mínum uppáhalds dögum hér í HA. Það er alltaf svo mikil tilhlökkun í loftinu, bæði hjá okkur sem erum fyrir og hjá þeim sem eru að stíga sín fyrstu skref í þessu geggjaða samfélagi. Ég man sjálf vel hversu spennandi það var að byrja hér og hvað það skipti mig miklu að finna strax fyrir hlýjunni og samheldninni sem einkennir HA,“ segir Dagbjört Elva Kristjánsdóttir, forseti Stúdentafélags Háskólans á Akureyri um næstu viku. -
Ég segi já!
Í stefnuyfirlýsingu ríkisstjórnar Samfylkingar, Viðreisnar og Flokks fólksins er kveðið á um að halda skuli þjóðaratkvæðagreiðslu um framhald viðræðna um aðild Íslands að Evrópusambandinu eigi síðar en árið 2027. Heimsókn Ursulu von der Leyen til Íslands hefur endurvakið umræðuna um Evrópumál sem hefur tekið talsvert pláss á hinum ýmsu miðlum. Undirrituðum sýnist sem svo að kosningabaráttan fyrir væntanlega þjóðaratkvæðagreiðslu sé farin á fullt, ekki síst fyrir tilstuðlan minnihlutans á þingi sem hefur þó hingað til verið alfarið andvígur því að þjóðin fái að segja sitt í þessu mikilvæga máli. -
Vilja byggja fimm hæða íbúðarhús á Gránufélagsgötu 45
Óskað hefur verið eftir því að gerð verði breyting á deiliskipulagi við Gránufélagsgötu 45 á Akureyri. Í breytingunni felst að heimilt verði að byggja á lóðinni allt að fimm hæða íbúðarhús fyrir um 25 íbúðir á bilinu 45-70 fm. -
Eyjafjarðarsveit - Leikskólinn Krummakot opnar í nýju húsnæði
,,Upp er runninn sérlega ánægjulegur dagur sem margir hafa beðið eftir í langan tíma,“ skrifar Finnur Ingvi Kristinsson sveitarstjóri á vef sveitarfélagsins af því tilefni.„Þetta er stór stund fyrir okkar sveitarfélag.“ -
Ævintýri gerast þegar dreymt er stórt
Skrapp bara sí svona á Norðurpólinn með afkomendum landkönnuða til að gera heimildamynd -
Hofsbót 1 og 3 SS-Byggi úthlutað lóðinni
SS-Byggir sem átti hærra tilboðið af tveimur sem bárust í lóðina við Hofsbót 1 og 3 í miðbæ Akureyrar hefur staðfest að fyrirtækið mun halda lóðinni og hefur það skilað inn tilskyldum gögnum. Þeir sem buðu voru annars vegar SS Byggir sem bauð 251 milljón króna og Sigtún Þróunarfélag bauð 235 milljónir. -
Listasafnið á Akureyri: Almenn leiðsögn og fjölskylduleiðsögn um helgina
Laugardaginn 23. ágúst kl. 15 verður boðið upp á almenna leiðsögn um sýningu Margrétar Jónsdóttur, Kimarek-Keramik, og samsýningu norðlenskra listamanna, Mitt rými. Jafnframt verður fjölskylduleiðsögn í boði um sýningarnar daginn eftir, sunnudaginn 24. ágúst, kl. 11. Aðgangur að fjölskylduleiðsögninni er ókeypis í boði Norðurorku og að henni lokinni er gestum boðið að búa til sitt eigið listaverk, innblásið af verkum sýninganna. En aðgangur að almennu leiðsögninni er innifalinn í aðgöngumiða á safnið. -
Beint frá býli dagurinn verður á Völlum
Beint frá býli dagurinn verður haldinn næstkomandi sunnudag, 24. ágúst. Þetta er í þriðja sinn sem efnt er til dagsins, en viðburðurinn hefur á skömmum tíma fest sig í sessi sem fjölskylduvænn hátíðisdagur í íslenskri sveit. Markmiðið er að vekja athygli á hugmyndafræði beint frá býli, efla tengsl milli framleiðenda og neytenda og hvetja fleiri til að hasla sér völl á sviði smáframleiðslu matvæla.