Þór/KA í undanúrslit Borgunarbikarsins í knattspyrnu
Sandra María Jessen getur ekki hætt að skora en hún skoraði sigurmark Þórs/KA gegn Fylki í kvöld.
Kvennalið Þórs/KA heldur áfram að gera góða hluti á knattspyrnuvellinum. Í kvöld komst liðið í undanúrslit í Borgunarbikarnum eftir 2:1 sigur á Fylki á Þórsvellinum og voru öll mörkin skoruð í seinni hálfleik. Bandaríski leikmaðurinn Tahnai Annis kom Þór/KA yfir eftir um 70 mínútna leik en hún skallaði boltann í markið eftir skot í þverslá Fylkismarksins. Fylkiskonum tókst að jafna fáum mínútum síðar, eftir að markvörður Þórs/KA kastaði boltanum í varnarmann, þaðan sem hann barst til Lovísu Sólveigar Erlingsdóttur, sem skoraði. En það var hin unga og stórefnilega Sandra María Jessen sem átti lokaorðið en hún getur ekki hætt að skora. Félagi hennar í framlínunni, Katrín Ásbjörnsdóttir, skallaði boltann inn í teig og ekki vildi betur til þegar varnarmanður Fylkis reyndi að hreinsa í burtu, að hann sparkaði boltanum í Söndru Maríu og af henni fór boltinn í markið.
Þetta var önnur viðureign Þórs/KA og Fylkis á Þórsvellinum á fáum dögum en sl. þriðjudag unnu norðanstúlkur öruggan heimasigur í Pepsi-deildinni, 4:0. Þá skoraði Sandra María tvívegis og er hún markahæst í deildinni með 10 mörk í níu leikjum. Fyrri umferð deildarinnar er lokið og í vikunni var Sandra María valin besti leikmaður fyrri umferðar í Pepsi-deild kvenna. Þjálfari hennar, Jóhann Kristinn Gunnarsson, var valinn besti þjálfarinn. Þór/KA átti jafnframt fjóra leikmenn í úrvalsliði fyrri umferðar en auk Söndru Maríu, voru valdar í liðið þær Arna Sif Ásgrímsdóttir, Katrín Ásbjörnsdóttir og Kayle Grimsley. Þór/KA situr í efsta sæti deildarinnar en liðið á mjög erfiðan útileik gegn Stjörnunni um miðja næstu viku en Stjarnan er í öðru sæti deildarinnar.
Nýjast
-
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“.
