Þetta var góð áskorun og er enn
Guðmundur Hólmar Helgason leikmaður Akureyrar Handboltafélags hefur fengið aukna ábyrgð í liði norðanmanna í vetur. Eftir að þeir Jónatan Þór Magnússon og Árni Þór Sigtryggsson yfirgáfu félagið sl. vor kom það í hlut Guðmundar og Geirs Guðmundssonar að stíga upp og fylla þeirra skarð sem helstu skyttur liðsins, ásamt Heimi Erni Árnasyni fyrirliða og Bjarna Fritzsyni.
Báðir hafa þeir Guðmundur og Geir staðið sig vel en Geir er hins vegar frá út veturinn vegna veikinda. Guðmundur, sem er 18 ára, spilar í stöðu vinstri skyttu og átti frábæran seinni hálfleik er Akureyri lagði Val á heimavelli, 23:20, í N1-deildinni sl. fimmtudag. Hann skoraði sjö mörk í leiknum, þar af sex í seinni hálfleik og var valinn maður leiksins í liði heimamanna.
Akureyri heldur með sigrinum sex stiga forystu í deildinni með 27 stig. Ekkert er leikið í deildinni þessa vikuna og fer næsta umferð fram fimmtudaginn 17. mars. Guðmundur segir að það hafa verið nokkuð stressandi í haust að vita að hann, ásamt Geir, ættu að bera þungan í skyttustöðunum. Hann er þó ágætlega sáttur með frammistöðu sína í vetur.
„Þetta var góð áskorun og er ennþá. Ég var smá stressaður fyrst en svo hefur þetta bara gengið þokkalega vel hjá mér. Svo er líka rosalega gott að hafa þessa reynslumeiri leikmenn með sér eins og Heimi fyrirliða. Það hjálpar rosalega,” segir hann. Guðmundur er á sínum þriðja vetri með meistaraflokki Akureyrar og spilar núna lágmark 50 mínútur í vel flestum leikjum liðsins. Hann segist hafa tekið miklum framförum sem leikmaður í vetur frá því í fyrra.
„Það er allavega búið að segja það við mig. Aðallega mamma samt,” segir Guðmundur léttur í bragði. „En það er alveg rétt að ég hef bætt mig í leikskilningi og öðru sviðum. Maður er samt hálfgerður kjúklingur ennþá og það er oft verið að leiðbeina manni og skamma mann. Maður verður hins vegar bara að taka því og reyna að nýta sér það.”
Nánar er rætt við Guðmund í Vikudegi í dag.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.