Kalla eftir ábendingum um hættustaði í Norðurþingi
Húsavík: Mynd/HBH.
Norðurþing vinnur að nýrri umferðaröryggisáætlun sem á að nýtast við að forgangsraða úrbótum í sveitarfélaginu. Íbúasamráð stendur nú yfir og geta íbúar komið á framfæri ábendingum og athugasemdum um umferðaröryggi til 22. október. Sérstaklega er leitað eftir sjónarmiðum grunnskólanemenda með könnun sem þeir svara á skólatíma. Gert er ráð fyrir að áætlunin verði tilbúin fyrir næsta sumar.
Að sögn Elvars Árna Lund, sviðsstjóra skipulags- og umhverfissviðs Norðurþings, hefur verkefnið verið á áætlun um nokkurt skeið. Sveitarfélagið fékk verkfræðistofuna Eflu til að halda utan um vinnuna í september, en stofan hefur unnið sambærilegar áætlanir fyrir mörg sveitarfélög og nýlega lokið slíkri vinnu í nágrannasveitarfélögum Norðurþings.
Arna Kristjánsdóttir, samgönguverkfræðingur hjá Eflu, stýrir verkefninu en Elvar er tengiliður sveitarfélagsins. Gert er ráð fyrir að vinnan taki um átta mánuði.
Þátttaka íbúa mikilvæg
Arna leggur áherslu á að þátttaka íbúa sé mikilvæg við mótun áætlunarinnar. Samhliða almennu íbúasamráði sé unnið með grunnskólunum að því að afla upplýsinga frá börnum og ungmennum.
„Það samráð veitir okkur mikilvægar upplýsingar um upplifun barna og ungmenna af umferðaröryggi og hjálpar okkur að greina hvar helst er þörf á úrbótum,“ segir Arna.
Enn sé þó of snemmt að segja til um hvaða svæði eða málefni standi helst upp úr í ábendingum íbúa. Samráðið sé í gangi og greiningarvinnan á einstökum svæðum skammt á veg komin.
Einnig er verið að setja saman samráðshóp þar sem fólk með ólíka hagsmuni og sjónarmið kemur að borðinu. Gert er ráð fyrir að hópurinn hittist einu sinni til tvisvar á meðan á vinnunni stendur.
Í hópnum verða fulltrúar Vegagerðarinnar, Samgöngustofu, lögreglu og almenningssamgangna. Þá er gert ráð fyrir fulltrúum Borgarhólsskóla og Öxarfjarðarskóla, foreldraráðs, ungmennaráðs, eldri borgara, íþróttastarfs og ferðaþjónustu, auk fulltrúa Norðurþings á Húsavík, Kópaskeri og Raufarhöfn.
Elvar segir að ábendingum verði fylgt eftir eftir því sem mögulegt er. Markmiðið sé að áætlunin verði haldbær leiðarvísir um það sem þurfi að bæta og að úrbótum verði sinnt með skipulegum hætti.
„Fyrst verður lagað það sem brýnast er talið að þarfnist úrbóta,“ segir Elvar.
Stærri verkefni, sem krefjast meira fjármagns og mögulega samstarfs við Vegagerðina, verði sett inn á framkvæmdaáætlun.
Frestur til að taka þátt í íbúasamráðinu er til 22. október. Hér má komast inn á ábendingagáttina
Nýjast
-
Kalla eftir ábendingum um hættustaði í Norðurþingi
Norðurþing vinnur að nýrri umferðaröryggisáætlun sem á að nýtast við að forgangsraða úrbótum í sveitarfélaginu. Íbúasamráð stendur nú yfir og geta íbúar komið á framfæri ábendingum og athugasemdum um umferðaröryggi til 22. október -
Brák Jónsdóttir - listamanns spjall um verkin fyrir Sigurhæðir
Á sunnudaginn komandi 11. október kl 13-13.30 er boðið í samtal með Brák Jónsdóttur myndlistarmanni í Flóru menningarhúsi í Sigurhæðum. Rætt verður um verk Brákar sem hún vann í ár sérstaklega fyrir Sigurhæðir, tilurð verkanna, hugmyndir, áferði og áhrif. -
Ný og rúmgóð fræhöll tekin í notkun í Vaglaskógi
Stórt gróðurhús er nú risið í starfsstöð Lands og skógar í Vaglaskógi. Húsið er viðbót við eldra hús nýtt hefur verið undanfarna áratugi í kynbótastarf á vegum stofnunarinnar og fyrirrennara hennar. -
Þrettán í einum búningsklefa eina kvöldstund
„Nú er allt að verða klárt og mikil tilhlökkun í loftinu,“ segir Jóhanna S. Ingólfsdóttir leikstjóri og formaður Freyvangsleikhússins. Þar á bæ verður glænýtt íslenskt leikrit, Útsynningur frumsýnt í kvöld, föstudagskvöldið 9. október kl. 20. Verkið er eftir Hjálmar Arinbjarnarson, sem er sannkallaður innanbúðarmaður í Freyvangsleikhúsinu en hann hefur tekið þátt í starfi þess í yfir 20 ár. Verkið verður einungis sýnt í október, miðasala fer mjög vel af stað og hvetur Jóhann áhugasama því að hafa hraðar hendur og tryggja sér miða í tíma. -
Tvær þjóðir í sama landi?
Nýafstaðin þjóðaratkvæðagreiðsla staðfesti nokkuð mun stærra en hver afstaða þjóðarinnar sé til ESB. Hún afhjúpaði efnahagslega og samfélagslega gjá sem hefur smám saman myndast milli höfuðborgarinnar og annarra landshluta. Niðurstaða kosninganna eftir kjördæmum leiddi þetta bersýnilega í ljós. -
Við þurfum að hittast, setjast niður, slaka á og hlusta á hvort annað
Það hefur vonandi ekki farið framhjá neinum að n.k laugardag 10 október verður um land allt efnt til við viðburðar sem nefnist Samtalið en til þess var stofnað að frumkvæði Höllu Tómasdóttur, forseta Íslands. Hún vill setja samtal og frið á dagskrá á ný. -
Dekurdagar á Akureyri eru hafnir
Dekurdagar á Akureyri eru hafnir og standa yfir til sunnudags, þetta er árlegur viðburður þar sem fólk er hvatt til þess að njóta lífsins, enda fjölmargt í boði . -
Sunna Hlín varaformaður Sambands íslenskra sveitarfélaga
Sunna Hlín Jóhannesdóttir hefur verið kjörin varaformaður Sambands íslenskra sveitarfélaga. -
Akureyri verður suðupottur gjörningalistar á A!
Alþjóðlega gjörningahátíðin A! verður haldin á Akureyri í tólfta sinn dagana 8.–10. október og breytir bænum í suðupott gjörningalistar.
