Gítarhátíð á Græna hattinum á Akureyri
Þeir Kazumi og Björn munu leika vítt og breytt um bæinn við allskyns uppákomur. Gítaristum sem eiga sterka tengingu við Akureyri verður gert hátt undir höfði. Þar á meðal má nefna Snorra Guðvarðarson, Kristján Edelstein, Matti Tapani Saarinen, Gunnar Ringsted, Mána Konráðsson, Andra Ívarsson og fleiri. Gítarhátíðin er í samstarfi við Tónlistarskóla Akureyrar og mun Kazumi halda fyrirlestra ásamt því leika fyrir nemendur skólans. Í rythmasveitinni spila tveir af aðal kennurum Tónlistarskólans, þeir Halldór G. Hauksson og Stefán Ingólfsson, deildarstjóri. Stefnt er að því að bærinn iði allur af gítarspili dagana 11. til 13. maí og Græni hatturinn verður heiti pottur gítarveislunnar. Fimmtudaginn 12. maí verða þar tónleikar kl. 21.00 og þá koma fram; Kazumi, Björn, Snorri, Gúi, Matti, Andri, Máni, Krissi, Halli Gulli, Stebbi. Daginn eftir, föstudaginn 13. maí, verða aðrir tónleikar á Græna hattinum kl. 21.00 en þá koma fram Kazumi Watanabe og Björn Thoroddsen ásamt hljómsveit og gestum. Miðaverð á hvora tónleika fyrir sig er kr. 2.000.-.
Græni hatturinn hefur haldið úti öflugu menningarlífi í bænum síðan almennir tónleikar hófust þar. Það eru fáir íslenskir tónlistarmenn úr rythmíska geiranum sem ekki hafa leikið þar. Allir íslenskir tónlistarmenn bera mikla virðingu fyrir Græna hattinum og er staðurinn orðin ákveðið kennileiti í rythmískri samtímatónlist. Dagskrá gítarhátíðarinnar mun höfða til breiðs hóps, enda verður allt frá frá háklassískum gítarleik yfir í „You Really Got Me" með Kinks á boðstólum.
Kazumi Watanabe (1953) er líklegast þekktasti gítarleikari Japana í dag. Kazumi nam hjá Sadanori Nakamure sem kallaður er guðfaðir japanska gítarleiksins. Kazumi þótti undrabarn á sjöunda áratugnum og gaf út sína fyrstu sólóplötu 1971. Árið 1979 gerði hann tímamótaplötuna „KYLYN" sem þykir eitt af meistaraverkum fusion sögunar. Kazumi hefur hljóðritað og leikið með mönnum á borð við Steve Gadd, Tony Levin, Jeff Berlin, Bill Bruford, Sly and Robbie, Wayne Shorter, Patrick Moraz, Marcus Miller, Richard Bona og Peter Erskine. Kazumi lék á sínum tíma með einni frægustu jazzhljómsveit allra tíma, Steps Ahead, og gerði með þeim eina plötu. Alls 24 sinnum hefur Kazumi verið valinn jazzmaður ársins í Swing Journal. Síðan 1996 hefur Kazumi starfað sem prófessor við Senzoku Gakuen College ásamt því að leika út um allan heim.
Nýjast
-
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna.