Fundaröð SA um stöðu atvinnumála og vinnumarkaðinn
Formaður Samtaka atvinnulífsins, Vilmundur Jósefsson, segir að í komandi viðræðum verði lögð á það áhersla af hálfu SA að allir hópar fái sambærilega og hóflega launahækkun og að samningar allra aðila hafi sama gildistíma sem verði allt að þremur árum. „Ríkisstjórnin verður að koma að borðinu þar sem Samtök atvinnulífsins leggja áherslu á að tryggja atvinnuuppbyggingu og að greitt verði fyrir fjárfestingum. Einnig verður að taka til baka margar af þeim skattabreytingum sem ákveðnar hafa verið og gera ekki annað en að gera starfskilyrði atvinnulífsins verri en í nálægum löndum og eru ekki til þess fallnar að auka tekjur ríkisstjóðs. Þá verður að eyða óvissu um rekstrarskilyrði sjávarútvegsins," segir Vilmundur.
Formaður Samtaka atvinnulífsins leggur þunga áherslu á að það sé algjört forgangsmál að koma atvinnulífinu af stað á nýjan leik, skapa ný störf og minnka atvinnuleysið sem allra fyrst. Að því muni SA stefna. Fyrsti fundurinn fer fram í hádeginu þriðjudaginn 9. nóvember á Hótel Ísafirði, annar fundurinn verður að morgni fimmtudagsins 11. nóvember á Hótel KEA á Akureyri, sá þriðji fer fram í hádeginu sama dag á Veitingahúsinu Sölku á Húsavík og sá fjórði verður haldinn í hádeginu föstudaginn 12. nóvember í Safnaðarheimilinu á Reyðarfirði.
Fundirnir eru öllum opnir en nauðsynlegt er að skrá þátttöku á vef SA - http://www.sa.is/. Fleiri fundir verða auglýstir síðar víðar um landið en kjarasamningar á almennum vinnumarkaði renna út í nóvember og eru kjaraviðræður við verkalýðshreyfinguna þegar hafnar. Fundaröð SA er ætlað að upplýsa stjórnendur fyrirtækja um það sem er framundan og skapa umræðu til að fá skýrari mynd af stöðu atvinnumála og horfum á vinnumarkaði.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.