Framkvæmdum við viðbygginguna lýkur fyrir jól
Viðbygging við kapellu og líkhús hjá Kirkjugörðum Akureyrar.
Við vonumst til að allt verði klárt fyrir jól og erum mjög spennt fyrir því að taka nýja hluta byggingarinnar í notkun, enda breytir það miklu fyrir okkur, segir Smári Sigurðsson framkvæmdastjóri Kirkjugarða Akureyrar. Framkvæmdir við viðbyggingu við kapellu og líkhús Kirkjugarðanna hafa staðið yfir frá því í vor.
Smári segir að nokkrar tafir hafi orðið á framkvæmdum, en til stóð í upphafi að byggingin yrði tilbúin 1. október sl. Hann segir að mikil þörf hafi verið orðin á breytingum á húsnæði Kirkjugarðanna, í sjálfu sér vantaði ekki þá fermetra sem við bætast með tilkomu nýbyggingarinnar heldur muni hún breyta og bæta allt vinnulag innanhúss.
Um 180 athafnir fara fram í kapellu á ári, m.a. kistulagningar og útfarir og húsnæðið hafi nánast verið í gíslingu eins og hann orðar það á meðan. Þeir sem áttu önnur erindi í húsið gengu ef svo má segja beint inn í þær athafnir sem stóðu yfir. Með breytingum sem verða með nýbyggingunni er slíkt úr sögunnim nýr inngangur verður tekin í notkun fyrir útfararþjónustuna og þá verður einnig til staðar bakdyrainngangur úr líkhúsi. Að auki segir Smári að vinnuaðstaða og aðbúnaður starfsfólks breytist til batnaðar.
Þá er horft til framtíðar og líkgeymsla verður stærri en áður, enda segir Smári að búast megi við að greftrunum muni fjölga í nánustu framtíð, margt fólk búi nú á Akureyri sem náð hafi háum aldri. Við gerum í okkar áætlunum ráð fyrir að fjölgun dauðsfalla frá því sem nú er, þannig að við búum okkur undir að geta tekið við fleirum en við gátum áður.
Til hefur staðið í mörg ár að sögn Smára að fara út í þær framkvæmdir sem nú standa yfir, þær voru ákveðnar löngu fyrir hrun og kreppu, eða fyrir 12 árum síðan, en af ýmsum ástæðum dróst að hefja þær fyrr en nú á liðnu vori.
Nýjast
-
Sjómannadagur.
Àrlega hőldum við sjómannadaginn hátíðlegan. Við hugsum til sjómanna, sem finnast í flestöllum ef ekki öllum íslenskum fjölskyldum, heiðrum þá og gleðjumst með þeim. Það er misjafnt hve mikinn þátt fólk tekur í þessum hátíðarhöldum. Sumir fylgjast vel með dagskrá hátíðarhaldanna, á meðan aðrir láta sér nægja eitthvað betra með kaffinu. -
Norðurslóðir, stríð og hnattræn hlýnun
Aukin spenna í alþjóðamálum hefur haft mikil áhrif á þróun mála á Norðurslóðum. Ríki sem þar eiga hagsmuna að gæta þurfa að fylgjast vel með og vera reiðubúin að bregðast við öðrum vendingum á svæðinu. Á meðan hnattræn hlýnun ógnar umhverfi, samfélögum og opnun skipaleiða – þá hefur innrásarstríð Rússa í Úkraínu leitt til þess að vonir um friðsæl samskipti á Norðurslóðum hafa dvínað verulega. -
Bakþankar bæjarfulltrúa Í guðanna bænum
Ég er enn í sjokki. Taugaáfalli. Og tilefnið, Jú, í gær varð ég barni að bana – næstum því. Veit ekki enn hvaða kraftaverk kom í veg fyrir þá miklu óhamingju. Öskur eða eitthvað sem undirmeðvitundin skynjaði - þótt augað sæi ekki. Tildrögin. Ég var að koma niður Krákustíg hjá Amtsbókasafninu þegar eitthvað skaust á örskotshraða fyrir steyptan garðvegginn, niður gangstéttina með fram Oddeyrargötu. -
Að efla þéttbýli eða vinna gegn því
Á síðustu 20 árum hefur íbúum á Íslandi fjölgað um tæp 100 þúsund eða um þriðjung (33%). Langstærstur hluti þessar fjölgunar hefur átt sér stað á suðvesturhorni landsins. Ef skoðuð er íbúaþróun í þeim sveitarfélögum sem í dag mynda sveitarfélagið Þingeyjarsveit, en voru fyrir aldarfjórðung 6 hreppir, kemur upp ólík mynd. Þann 1. janúar 2005 töldu sveitarfélögin (þá þrjú) 1.399 manns en þann 1. janúar sl. bjuggu 1.453 Þingeyjarsveit. Því hefur íbúum fjölgað hér um tæp 4% á sama tíma og landsmönnum fjölgaði um þriðjung. -
Framkvæmdasjóður ferðamannastaða Verkefni í Glerárdal og Hlíðarfjalli fá 46 milljónir
Tveir styrkir komu í hlut Akureyrarbæjar við úthlutun úr Framkvæmdasjóði ferðamanna, samtals um 46 milljónir króna. -
GeoSilica hefur framleiðslu á Þeistareykjum
GeoSilica færir út kvíarnar og hefur starfsemi í nýju húsi á fjölnýtingarlóð Landsvirkjunar á Þeistareykjum komandi haust. Fyrirtækið hefur samið við Landsvirkjun um leigu á húsinu, afhendingu auðlindastrauma á Þeistareykjum og samstarf til næstu áraSamstarfið markar upphaf fjölnýtingar á Þeistareykjum til framtíðar. -
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann.
