Er sátt með mína frammistöðu
Frida Petersen hefur verið öflug á milli stanganna í vetur hjá KA/Þór.
Frida Petersen, færeyski markvörðurinn í liði KA/Þórs, hefur vakið mikla athygli með liðinu í vetur í N1-deild kvenna í handknattleik. Hún hefur átt hvern stórleikinn á eftir öðrum og oft á tíðum haldið liðinu á floti á slæmum köflum með góðri markvörslu. Frida varði sautján skot, þar af eitt víti, í sigri KA/Þórs gegn HK í síðasta leik á heimavelli og var besti maður vallarins. Ég er nokkuð sátt með mína frammistöðu í vetur. Það er oft erfitt að spila fyrir lið sem þú þekkir ekki mikið en mér finnst ég hafa fallið vel inn í hópinn. Það er hugsað vel um mig og mér líkar mjög vel hérna, segir Frida. Hún segir kvennahandboltann hér á landi skemmtilegan en átti hins vegar von á því að deildin væri sterkari. Liðin sem eru við toppinn eru mjög sterk og vel spilandi en það er svakalegur getumunur á milli liða í deildinni. Gæðin eru ekki eins mikil hjá liðunum í neðri hlutanum og það má segja að deildin skiptist upp í þrjá hópa, segir hún. Frida, sem er 28 ára, hefur spilað handbolta síðan hún var tólf ára og spilaði í Færeyjum áður en hún kom til Íslands síðastliðið sumar. Hún er samningsbundin hjá KA/Þór til 1. maí í vor og spáir lítið í framhaldið. Það getur vel verið að ég verði áfram en ég er ekkert farin að hugsa um það. Ég einbeiti mér fyrst og fremst að því að spila vel fyrir KA/Þór og hjálpa liðinu að ná sínum markmiðum, segir hún.
Langþráður sigur
KA/Þór vann sinn annan leik á tímabilinu er liðið lagði HK afar óvænt að velli, 23-22, í KA-heimilinu sl. laugardag. Fyrir leikinn munaði tíu stigum á liðunum en HK er í þriðja sæti deildarinnar. Sigurinn var langþráður þar sem norðanliðið hafði ekki unnið leik í deildinni síðan 15. október sl., er liðið lagði FH að velli, 24-22, á heimavelli. Þetta var svakalega sætur sigur. Sérstaklega í ljósi þess að við vorum aðeins búnar að vinna einn leik og HK að berjast á toppnum. Við spiluðum kannski ekkert alltof vel í leiknum en við börðumst fyrir þessu. Kolbrún Gígja Einarsdóttir skoraði sjö mörk fyrir KA/Þór í leiknum og Ásdís Sigurðardóttir kom næst með sex mörk. Hjá HK var Brynja Magnúsdóttir markahæst með sex mörk.
Botnslagur í Kaplakrika
KA/Þór sækir FH heim í dag í botnslag kl. 16:00. Tvö stig skilja liðin að, FH situr í neðsta sæti deildarinnar með þrjú stig en KA/Þór hefur fjögur stig sæti ofar. Við ætlum okkur sigur þar og sjálfstraustið ætti að vera í lagi eftir sigurinn í síðasta leik. Við verðum samt að passa að fara ekki framúr okkur sjálfum þrátt fyrir hafa unnið leik og verðum að mæta til leiks af fullum krafti í dag, segir Frida.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.