Einangrunarverkefni í Grímsey
Íbúar í Grímsey hafa fengið styrk til að einangra þökin á húsum sínum.
Á undanförnum árum hefur ríkissjóður niðurgreitt húshitun í Grímsey en þar eru öll hús kynt með olíu. Í upphafi miðuðust niðurgreiðslurnar við rúmmál hvers húss og ákveðna nýtingu olíuhitunarkerfisins. Orkustofnun hefur safnað upplýsingum um olíunotkun eyjaskeggja til samanburðar við þá reiknuðu notkun sem stuðst hefur verið við. Sú upplýsingasöfnun skilaði sér í því að um síðustu áramót var tekinn sú ákvörðun að hækka nýtingarkröfu tækjanna til jafns við raunverulega notkun hvers og eins íbúa. Á ársgrundvelli þýðir þetta um 2,7 milljóna króna lækkun á niðurgreiðslum til íbúa í Grímsey. Til að minnka olíunotkun íbúa ennfrekar var ákveðið að styrkja þá um sem nemur kostnaði hvers og eins við að láta einangra þökin á húsum sínum. Allir notendur með niðurgreiðslu þáðu það boð að undanskildum þremur þar sem blástur var ekki mögulegur.
Á sama tíma er Orkusetur með styrktarátak í gangi sem gengur út á glerskipti í öllum húsum í eyjunni, sem njóta niðurgreiðslu á húshitun, og eru langflestir með í því líka. Margir ætla ekki bara að skipta um gler heldur alla glugga og og jafnvel hurðir. Þessi tvö verkefni eiga eftir að minnka olíunotkun íbúa enn frekar og gerir Orkustofnun ráð fyrir að með þessum tveimur aðgerðum verði hægt að lækka kostnað notenda sem og ríkissjóð um allt að 25% til viðbótar þeim sparnaði sem náðst hefur með leiðréttingu til raunnotkunar. Kostnaðurinn við þessar aðgerðir er um 12,5 milljónir króna, sem skiptist þannig að 7,5 milljónir fara í einangrun á þökum og 5 milljónir til glerskipta.
Nýjast
-
Bjargvættir framtíðarinnar á Húsavík
Unglingadeild Björgunarsveitarinnar Garðars er afar öflug -
Rausnarleg gjöf frá nemendum Síðuskóla til barnadeildar SAk
Barnadeild Sjúkrahússins á Akureyri fékk á dögunum einstaka gjöf þegar nemendur í 5., 6. og 7. bekk Síðuskóla ákváðu að leggja 550.000 krónur inn á styrktarreikning deildarinnar. Upphæðin safnaðist með sölu á handverki og veitingum sem nemendur stóðu fyrir á Barnamenningarhátíð í apríl. -
Metár umsókna við Háskólann á Akureyri
Umsóknir í Háskólann á Akureyri hafa aldrei í sögu skólans verið fleiri, en alls bárust um 2.340 umsóknir að þessu sinni. Þetta er um 15% aukning frá síðasta ári og rúmlega 8% aukning frá árinu 2018, sem var fyrra metár umsókna við háskólann. -
Kjarnafæði Norðlenska kaupa B Jensen
Kjarnafæði Norðlenska gekk frá kaupum á sláturhúsi, kjötvinnslu og verslun B. Jensen í seinustu viku. -
Framkvæmdir að hefjast við nýtt svæði á Torfunefsbryggju Samið um fyrstu bygginguna
Samningur milli HN og verktakafyrirtækisins Húsheildar/Hyrnu um byggingu fyrsta hússins á Torfunefssvæðinu hefur verið undirritaður og markar ákveðin skref í uppbyggingu svæðisins. -
Hinsegin hátíð á Norðurlandi eystra
Hinsegin hátíð á Norðurlandi eystra verður haldin í fyrsta skiptið dagana 18.–22. júní 2025. Öll sveitarfélög á Norðurlandi eystra standa að hátíðinni og stefnt er að því að viðburðir fari fram sem víðast í öllum landshlutanum. -
Magnaði Mendelssohn
Felix Mendelssohn (Bartholdy) er talinn hafa verð einn mesti tónsnillingur allra tíma. Undrabarn sem á sinni stuttu 38 ára æfi samdi eina fallegustu tónlist veraldar. Jafnvel önnur tónskáld kölluð hann "hinn nýja Bach" m.a. Liszt, Schumann og Berlioz. -
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn.
