Bruggsmiðjan stækkar
Bruggsmiðjan hóf starfsemi 2006 og hefur sala fyrirtækisins vaxið stöðugt frá fyrsta degi og er nú svo komið að verksmiðjan, sem var reist í upphafi, annar ekki eftirspurn. Því var ákveðið að ráðast í að byggja við húsnæðið og fjölga tönkum. Upphaflega var gert ráð fyrir að framleiðslan yrði um 170 þúsund lítrar á ári en framleiðsla síðasta árs var um 400 þúsund lítrar og náðist ekki að anna eftirspurn. Vörumerkin eru 10 að árstíðabjórunum meðtöldum.
Til þessa hefur Kaldi einungis fengist á flöskum en verður hér eftir einnig fáanlegur á kútum fyrir veitingahús. Agnes Sigurðardóttir er framkvæmdastjóri Bruggsmiðjunnar og þakkar hún velgengnina því, að varan Kaldi þykir afar góð og hefur salan gengið vel allt frá upphafi. Bruggmeistari Bruggsmiðjunnar, David Masa er enginn aukvisi en hann er bruggmeistari í fjórða ættlið frá Tékklandi. Hráefnið kemur einnig að mestu frá Tékklandi, utan auðvitað íslenska lindarvatnsins sem kemur úr Sólarfjalli við utanverðan Eyjafjörð.
"Byr á Akureyri hefur frá upphafi verið viðskiptabanki Bruggsmiðjunnar og hefur fylgt fyrirtækinu eftir í vextinum. Það hefur verið einstaklega gaman að fylgjast með uppgangi Bruggsmiðjunnar á erfiðum tímum í atvinnulífinu. Við erum stolt af samstarfinu og sannfærð um að stækkunin sé rétt skref hjá Agnesi og Óla," segir Örn Arnar Óskarsson, útibússtjóri Byrs á Akureyri.
„Það höfðu ekki allir trú á okkur í upphafi en Byr á Akureyri ákvað að vinna með okkur og fyrir það erum við þakklát" segir Agnes.
Nýjast
-
Glæsileg A-álma tekin í notkun í Glerárskóla
Ný og endurbætt A-álma hefur verið tekin í notkun í Glerárskóla. Gestum bauðst að líta á þær heilmiklu breytingar sem gerðar hafa verið á álmunni, en húsnæðið hefur verið endurnýjað á þann hátt að miklar breytingar hafa verið gerðar á vinnuumhverfi nemenda og starfsfólks. -
Fiskur frá smábátum dregur úr afköstum landvinnslunnar og bónusar starfsfólks lækka
Afköst í fiskvinnsluhúsum Samherja dragast verulega saman þegar keyptur er afli af strandveiðibátum til vinnslu. Starfsmaður sem hefur unnið í tæpa fimm áratugi hjá Útgerðarfélagi Akureyringa segir sláandi mun á gæðum hráefnis frá smábátum og togurum sem veiða á djúpslóð. Bónusar fiskvinnslufólks lækka þegar unninn er afli frá smábátum því mun tímafrekara er að verka fiskinn. -
Af slúbbertum og svörtum sauðum
Vísir birti nýlega frétt um nýútkomna skýrslu Viðskiptaráðs þar sem fjallað er um uppsagnarvernd opinberra starfsmanna. Sá sem fréttina ritar kýs að reyna að fá fleiri „smelli“ með því að leggja skýrsluhöfundi orð í munn eins og að kalla opinbera starfsmenn „slúbberta“. -
Félag eldri borgara á Akureyri sækir um lóðir við Þursaholt Hafnað því ekki er búið að ákveða hvernig á að úthluta lóðunum
Akureyrarbær hefur ekki tekið ákvörðun um hvernig lóðum við Þursaholt verður úthlutað. Umsókn Félags eldri borgara á Akureyri, EBAK sem sótti um lausar lóðir á svæðinu var því hafnað. -
Ofurþéttingarárátta samtímans
Skipulagsráð Akureyrarbæjar hefur lagt til að bæjarstjórn samþykki tillögu að breytingu á aðalskipulagi 2018-2030. Í greinargerð segir að gert sé ráð fyrir að uppbygging hefjist fyrst á svokölluðum Tjaldsvæðisreit auk þess sem unnið verði að undirbúningi uppbyggingar til blandaðrar landnotkunar á Akureyrarvelli. -
Fyrsta beina flug sumarsins til Amsterdam
Í dag er fyrsta beina flug sumarsins til Amsterdam, en það er á vegum Verdi Travel og Transavia Flogið verður vikulega á fimmtudögum, til 14. ágúst n.k. -
Ríkið tekur – landsbyggðirnar fá minna
Hjálmar Bogi Hafliðason skrifar -
Þegar samfélagið þagnar
Benóný Valur jakobsson skrifar -
Fólk greiðir hundruð þúsunda í dvalarkostnað vegna heilbrigðisþjónustu
Aðalfundur Krabbameinsfélagsins skorar á heilbrigðisráðherra að endurskoða greiðsluþátttöku vegna sjúkradvalar innanlands og tryggja, til dæmis með greiðsluþaki, að kostnaður sjúklings og aðstandenda vegna nauðsynlegrar dvalar á sjúkrahóteli sligi ekki fólk af landsbyggðinni.