Barist um heimaleikjaréttinn
Þó að sætið í úrslitakeppninni sé tryggt er mikið undir í Höllinni í kvöld er Akureyri fær Val í heimsókn.
Lokaumferð N1-deildar karla í handknattleik fer fram í kvöld þar sem fjórir leikir eru á dagskrá. Haukar, FH og Akureyri eru örugg með sæti í úrslitakeppninni en HK og Fram mætast í hreinum úrslitaleik um hvort liðið fylgir hinum þremur í fjögurra liða úrslit. Akureyri tekur á móti Val í Höllinni og hefst leikurinn kl. 19:30. Leikurinn er gríðarlega mikilvægur fyrir norðanmenn upp á að ná öðru sæti deildarinnar og tryggja sér þar með heimaleikjaréttinn í undanúrslitunum.
Akureyri er í þriðja sæti deildarinnar með 25 stig og getur endað í öðru til fjórða sæti, allt eftir því hvernig lokaumferðin spilast. FH og Fram eða HK geta einnig endað í öðru til fjórða sæti. Möguleikar Akureyrar í að ná öðru sæti deildarinnar felast fyrst og fremst í því að vinna Val í kvöld og treysta á að FH, sem situr í öðru sætinu, tapi stigi eða stigum gegn deildarmeisturum Hauka í lokaumferðinni.
Þetta er svakalega mikilvægur leikur gegn Val og við treystum á að fólk fylli Höllina og skapi sömu stemmningu og í síðasta leik, segir Sævar Árnason aðstoðarþjálfari Akureyrar. Sú breyting verður á í úrslitakeppninni í ár að vinna þarf þrjá leiki í stað tveggja til þess að komast áfram. Þannig að það er mjög mikilvægt að vinna heimaleikjaréttinn og fá sem flesta leiki hérna í Höllinni, segir Sævar. Sem fyrr segir mætast HK og Fram í úrslitaleik í Digransesu um sæti í úrslitakeppninni. Vikudagur fékk Svævar til spá fyrir um úrslitin í þeim leik.
Ég segi að Fram sé líklegri en þetta verður svakalegur baráttuleikur. Í lokaumferðinni í kvöld mætast einnig Haukar og FH og Afturelding og Grótta.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.