Vikudagur kemur út í dag
Vikudagur kemur út í dag, miðvikudaginn 20. maí og er fyrr á ferðinni þessa vikuna vegna Uppstigningardags. Blaðið fer nú í stutt páskafrí og kemur næst út fimmtudaginn 2. maí. Í blaði vikunnar er farið um víðan völl, áhugaverðar fréttir, mannlíf, íþróttir og menning.
Meðal efnis í blaðinu:
-Séra Svavar Alfreð Jónsson, sóknarprestur í Akureyrarkirkju, sendir frá sér ljósmyndabókina Gljúfrabúar og giljadísir um mánaðarmótin og fjallar bókin um eyfirska fossa. Bókin, sem gefin er út af Bókaútgáfunni Hólum, hefur verið í smíðum í langan tíma en hugmyndina fékk Svavar þegar hann varð fimmtugur fyrir tíu árum síðan.
-Örveruvöxtur hefur greinst í þremur grunnskólum á Akureyri undanfarin misseri. Verið er að vinna að úrbótum í Lundarskóla en í mörg ár hefur starfsfólk skólans kvartað undan óþægindum sem hugsanlega megi rekja til myglusvepps. Enn á eftir að skoða aðra grunnskóla og verður það gert síðar á þessu ári. Rætt er við Karl Frímannsson fræðslustjóra Akureyrarbæjar í blaðinu.
-Óhætt er að segja að veðurguðirnir hafi verið með okkur í liði þegar sundlaugar landsins opnuð aftur eftir samkomubann sl. mánudag. Á Akureyri var rjómablíða og þéttsetið í Sundlaug Akureyrar. Elín H. Gísladóttir, forstöðumaður sundlaugarinnar, segir aðsóknina vera góða fyrstu dagana.
-Elísabet Ásgrímsdóttir heldur um Áskorendapennan þessa vikuna og skrifar áhugaverðan pistil í blaðið.
-Í Hús vikunnar fjallar Arnór Bliki Hallmundsson um Samkomuhúsið; Hafnarstræti 57.
-Ágreiningur er á milli Akureyrarbæjar og stjórnvalda um rekstur hjúkrunarheimila. Á síðasta fundi bæjarráðs Akureyrar voru lögð fram endurskoðuð drög að samkomulagi um nýtt hjúkrunarheimili í bænum. Ríkið krefst þess af bænum að hann ábyrgist rekstur hjúkrunarheimilis í Lögmannshlíð sem stendur til að byggja, að öðrum kosti verði það ekki byggt.
-Handboltakappinn Andri Snær Stefánsson er Íþróttamaður vikunnar að þessu sinni. Andri Snær er leikmaður KA og hefur verið lengi að í boltanum en hóf meistaraflokksferilinn með liði KA árið 2003. Á handboltavellinum gengur Andri Snær jafnan undir nafninu „Stálmúsin“ enda gefur hann aldrei tommu eftir.
Þetta og meira til í Vikudegi í dag. Hægt er að gerast áskrifandi með því að smella hér. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja.
Athugasemdir