Vikudagur kemur út í dag
Vikudagur kemur út í dag, fimmtudaginn 30. apríl og er farið um víðan völl í blaði vikunnar. Meðal efnis:
-Ásdís Arnardóttir sellóleikari var nýlega valin bæjarlistamaður Akureyrar árið 2020. Valið var kunngert á Vorkomu Akureyrarstofu sem haldin var í netheimum. Vikudagur ræddi við Ásdísi um tónlistina, samkomubannið og hvernig hún hyggst nýta tímann á listalaununum.
-Kristín S. Bjarnadóttir sér um Áskorendapennann þessa vikuna og kemur með áhugaverðan pistil.
-Lagðar hafa verið fram tillögur að lóðum til uppbyggingar tveggja heilsugæslustöðva á Akureyri. Allt frá haustinu 2018 hefur verið í gangi samráð bæjaryfirvalda við Heilbrigðisstofnun Norðurlands (HSN) vegna fyrirhugaðrar uppbyggingar á nýjum heilsugæslustöðvum á Akureyri.
-Sveinn Elías Jónsson, fyrirliði knattspyrnuliðs Þórs, er einn reyndasti leikmaður liðsins og hefur margan fjöruna sopið í boltanum. Hann hóf ferilinn með Dalvík ungur að árum og er að fara spila sitt átjánda tímabil í meistarflokki er Þór verður í eldlínunni í Inkasso-deildinni í sumar. Sveinn Elías er Íþróttamaður vikunnar að þessu sinni.
-Ingþór Örn Valdimarsson sér um matarhornið þessa vikuna og kemur með tvær uppskriftir sem slá alltaf í gegn á hans heimili.
-Stefán Þór Sæmundsson hefur gefið út nýja ljóðabók sem nefnist Mar. Bókin er að mörgu leyti framhalds- eða systurbók Upprisu sem Tindur gaf út vorið 2019 og vakti talsverða athygli.
Þetta og meira til í Vikudegi í dag. Hægt er að gerast áskrifandi með því að smella hér. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir