Vikudagur kemur út í dag
Vikudagur kemur út í dag, fimmtudaginn 20. febrúar og að vanda er blaðið stútfullt af fréttum, fróðleik og mannlífsefni.
Meðal efnis í blaðinu:
-Jakob Jónsson viskísérfræðingur hefur búið í London undanfarin tólf ár þar sem hann starfar sem annar tveggja verslunarstjóra í Lundúnaútibúi skosku viskíverslunarinnar Royal Mile Whiskies og heldur reglulega viskínámskeið. Vikudagur ræddi við Jakob, eða Kobba Maiden eins og margir kalla hann, um lífið í London, viskíáhugann og einskæran aðdáun hans á Iron Maiden.
-Atvinnuleysi á Akureyri heldur áfram að aukast samkvæmt tölum frá Vinnumálastofnun. Skráð atvinnuleysi á landinu öllu í janúar mældist 4,8% og jókst um 0,5 prósentustig frá desember.
-Halla Sif Guðmundsdóttir sjúkraþjálfari hefur umsjón með matarhorninu þessa vikuna og kemur með girnilegar uppskriftir.
-Hilda Jana Gísladóttir, bæjarfulltrúi og formaður stjórnar Akureyrarstofu, skrifar svarbréf vegna opins bréfs Einars Brynjólfssonar í síðasta blaði.
-Einar Hafliðason heldur um áskorendapennan þessa vikuna og kemur með áhugaverðan pistil.
-Íbúafundur fyrir íbúa Holta- og Hlíðahverfis á Akureyri var haldinn í Glerárskóla í vikunni en fundinn sóttu 24 íbúar. Umræðuefnið var slysahætta á þjóðvegi 1 um Högárbraut. Tíð slys hafa verið á fólki á götunni undanfarin ár og var nýlega keyrt á 7 ára stúlku á Hörgárbraut. Á fundinum var birt ályktun þar sem krafist er tafarlausra aðgerða af hálfu bæjaryfirvalda á Akureyri.
-Grenndargralið er á sínum stað og komið að fjórða hluta en Brynjar Karl Óttarsson hefur umsjón með dálkinum.
-Í Húsi vikunnar fjallar Arnór Bliki Hallmundsson um Hamarstíg 12.
Þetta og mun meira til í Vikudegi í dag. Hægt er að gerast áskrifandi með því að smella hér. Þá er áskriftarsíminn er 460-0750 og 860 6751. Einnig er hægt senda póst á askrift@vikudagur.is
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir