Vikublaðið kemur út í dag
Vikublaðið kemur út í dag, þjóðhátíðardaginn, og að vanda er farið um víðan völl í blaðinu og margt áhugavert.
Meðal efnis:
*Fyrsta skóflustunga að stækkun flugstöðvar á Akureyrarflugvelli var tekin í vikunni en áætlað er að viðbygging við flugstöðina á Akureyri verði tekin í notkun um mitt árið 2023. Hjalti Páll Þórarinsson, verkefnastjóri Markaðsstofu Norðurlands, segir í samtali við Vikublaðið að þetta sé mikið framfaraskref fyrir svæðið.
*Mikill uppgangur er í Hrísey og fólki að fjölga. Ingólfur Sigfússon formaður hverfisráðs Hríseyjar segir í samtali við Vikublaðið að það sé ánægjulegt að sjá hvernig málin hafa þróast eftir brunann hjá Hrísey Seefood fyrir um ári síðan.
*Framkvæmdir eru í fullum gangi við Húsavíkurkirkju og safnaðarheimilið Bjarnahús. Það er trésmíðaverkstæðið Val ehf. sem sér um byggingaframkvæmdir en Bæjarprýði sér um lóðaframkvæmdir. Samkvæmt upplýsingum frá Hollvinasamtökum Húsavíkurkirkju er búið að smíða krossana á þak kirkjunnar og setja þá upp.
*Handboltakonan Rut Arnfjörð Jónsdóttir fagnaði Íslandsmeistaratitlinum með KA/Þór nýverið eins og frægt er orðið. Rut gekk í raðir KA/Þórs sl. haust og varð því Íslandsmeistari með liðinu á sínu fyrsta tímabili. Vikublaðið ræddi við Rut um handboltann og lífið á Akureyri.
*Handverkshópurinn Kaðlín hefur nú flutt sig frá Hafnarstétt 1. á Húsavík en opnuð hefur verið verslun að Naustagarði 1, húsnæði í eigu Norðursiglingar. Handverkshópurinn Kaðlín hefur verið starfandi frá árinu 1993 þegar hópurinn opnaði handverksmarkað í Borgarhúsinu, sem þá var kallað en hýsir í dag stjórnsýslu Norðurþings.
*Kærunefnd útboðsmála úrskurðaði þann 11. júní sl. að Norðurþing skildi falla frá þeirri ákvörðun Skipulags- og framkvæmdaráðs að ganga til samninga við Trésmiðjuna Rein og Vinnuvélar Eyþórs um kaup og uppsetningu á öryggisgirðingu að Víðimóum 3 á Húsavík. Norðurþing er jafnframt gert að greiða kæranda, Garðvík ehf. 500 þúsund krónur í málskostnað. Guðmundur Vilhjálmsson, framkvæmdastjóri Garðvíkur fagnar úrskurðinum og segir hann sýna að málið hafi ekki verið nægilega vel undirbúið að hálfu Norðurþings.
*Marta Nordal heldur um áskorandapennann og kemur með áhugaverðan pistil.
Smelltu hér til að gerast áskrifandi.
Nýjast
-
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur?
Athugasemdir