Verðlaunaður fyrir framúrskarandi námsárangur
Halldór Tumi Ólason frá Húsavík er að það gott í Háskólanum í Reykjavík (HR). Hann er á öðru ári í laganámi við skólann en honum voru afhent á dögunum svokölluð Hvatningarverðlaun Codex fyrir frábæran námsárangur eftir fyrsta árið í lögfræði þ.e. skólaárið 2020-2021.
„Ég komst á svo kallaðan forsetalista á síðasta skólaári sem er fyrir þá sem standa sig best í náminu. Það átti að afhenda þessi verðlaun þá en það tafðist eitthvað hjá Codex og þau voru því afhent núna,“ segir Halldór Tumi í samtali við Vikublaðið.
Hvatningarverðlaun Codex eru afhent þeim nemanda sem hlýtur hæstu meðaleinkunn í öllum námskeiðum á fyrsta námsári við lagadeild HR .
Halldór Tumi segir að það sé vissulega gaman að fá svona verðlaun og spurður hvort að baki árangrinum liggi þrotlaus vinna eða hvort námið liggi einfaldlega svona vel fyrir honum; svaraði hann:
„Ég á eiginlega ekki gott svar handa þér, ætli það sé ekki sitt lítið af hvoru. Þetta er eiginlega afrakstur raða tilviljana. Það var alveg óvart sem ég lenti þarna inni í laganámi,“ segir hann og hlær.
Ætlaði í viðskiptafræði
„Ég var á sjó úti við Bakkafjörð sumarið 2020 og bað pabba um að sækja um fyrir mig í viðskiptafræði hjá HR,“ segir Halldór Tumi en faðir hans er Óli Halldórsson, forstöðumaður Þekkingarnets Þingeyinga. „Hann feilaði eitthvað kallinn og sótti óvart um lögfræði. Ég ætlaði að sækja um viðskiptafræði, fjármálaverkfræði og fleira en það endaði svona skemmtilega. Svo finnst mér þetta bara mjög gaman og laganámið liggur vel fyrir mér.“
Halldór Tumi segist kunna ágætlega við sig í höfuðborginni en nýti hvert tækifæri til að koma heim.
„Borgin er ágæt og HR hefur reynst mér vel í gegnum þetta. Þeir hafa boðið mér upp á streymimöguleika í náminu þó að þeir kenni í staðnámi að jafnaði. Ég hef því getað verið mikið heima á Húsavík og nýtt mér aðstöðuna hjá pabba í Þekkingarnetinu. Það hefur reynst vel,“ segir þessi efnilegi ungi maður að lokum.
Nýjast
-
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt.
Athugasemdir