Vaxandi áhyggjur eldri borgara af kjara- og húsnæðismálum
„Það er augljóst að áhyggjur okkar félagsmanna af sínum kjörum fara vaxandi, vissulega er misjafnt á milli manna hver kjörin eru, en það eru allir sammála um að skerðingar Tryggingastofnunar á lífeyrisgreiðslum eru óréttlátar og fyrir því finna allir,“ segir Karl Erlendsson formaður Félags eldri borgara á Akureyri. Félagið hélt á dögunum fund um kjaramál og var mæting einkar góð, um 200 manns mættu til að hlýða á framsögur og taka þátt í umræðum. Stofnaður hefur verið kjarahópur innan félagsins sem vinna á að bættum kjörum eldri borgara á svæðinu en mikilvægt þykir að rödd eyfirskra eldri borgara heyrist í umræðunni um málefni þeirra.
Karl kveðst mjög ánægður með fjölmennan fund og mæting sýni svo ekki verði um villst að æ fleiri hafi áhyggjur af sýnum málum og vilji fylgjast með og láta í sér heyrast. „Félagið hér á Akureyri er mjög öflugt, þátttakan er góð í öllu því sem boðið er upp á, margir taka þátt í bæði tómstunda- og íþróttastarfi. Við höfum heyrt af því að eldra fólk hefur í vaxandi mæli áhyggjur af sínum kjörum og því var ákveðið að efna til þessa fundar. Kjarahópurinn mun í framhaldinu halda þessu máli á lofti,“ segir hann.
Vantar sárlega íbúðir fyrir eldra fólk
Karl nefnir að eldra fólki hafi einnig miklar áhyggjur af stöðu húsnæðismála á Akureyri, en framboð af hentugu húsnæði fyrir þann hóp sé mjög af skornum skammti. „Ég heyri að fólk hefur verulegar áhyggjur af þessari stöðu og um hana er mikil umræða í hópnum,“ segir hann. Nefnir hann að í Hagahverfi þar sem eru nýjar íbúðir búi um 1.200 manns og þar af séu um 200 sem eru 67 ára eða eldri. „Okkar hópur sækir í nýjar íbúðir þar sem t.d. aðgengi er gott og sérþarfir þessa hóps eru í boði. Í þessu hverfi aftur á móti er ekki nein þjónusta í boði, þetta er bara íbúðahverfi og langt að sækja allt, hvort heldur er verslun, tómstundir eða íþróttir.“
Félag eldri borgara hafði í samvinnu við Búfesti hug á að reisa talsvert margar íbúðir við Þursaholt, í nýju Holtahverfi norður, en þau áform hafa verið í uppnámi síðan í sumar vegna lánaskilyrða sem Húsnæðis- og mannvirkjastofnun setti. Þessi nýju lánaviðmið gera að verkum að stór hluti félagsmanna fellur ekki undir þau tekju- og eignamörk sem HMS hefur sett. Unnið hefur verið að lausn málsins en hún er enn ekki í sjónmáli. „Það er bagalegt því þetta var það eina sem var í pípunum í húsnæðismálum fyrir þennan hóp. Áform um þessar íbúðir voru hluti af lausn á húsnæðisvanda eldri borgara,“ segir Karl.
Nýjast
-
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti.
Athugasemdir