„Þetta var rosalega skemmtileg upplifun“
Bocciadeild Völsungs átti fulltrúa á Heimsleikum Special Olympics sem fóru fram í Berlín dagana 17. – 25. júní síðastliðinn.
Hildur Sigurgeirsdóttir 23 ára Húsavíkurmær var valin til að taka þátt og náði hún frábærum árangri og endaði með bronsverðlaun í báðum keppnisgreinum sínum, annars vegar í sínum riðli í kvennadeildinni og hins vegar í tvíliðakeppni í karlaflokki með Birgi Viðarssyni frá Íþróttafélaginu Suðra Selfossi. Íslenski hópurinn var alls um 100 manns, þar af 30 keppendur.
Rannveig Þórðardóttir var með Hildi í ferðinni en hún starfar í Vík íbúðakjarna á Húsavík þar sem Hildur er búsett og er jafnframt bocciaþjálfari hennar. Blaðamaður heimsótti þær stöllur á dögunum og hlýddi á ferðasögu þeirra.
Hildur er fædd og uppalin á Húsavík en auk bocciaíþróttarinnar hefur hún brennandi áhuga á skíðum. „Ég fer reglulega í Hlíðarfjall á Akureyri til að renna mér,“ segir Hildur og er fljót að bæta við að henni þyki skemmtilegast að fara hratt niður brekkurnar.
Vinabær heimsóttur
Rannveig segir að fyrsti áfangastaður ferðalagsins hafi verið í vinabæ Íslands á mótinu, bærinn Kempten í Þýskalandi. „Þarna fengum við höfðinglegar móttökur og var stjanað við okkur allan daginn,“ útskýrir Rannveig og Hildur tekur undir.
Skemmtilegast segir Hildur hafa verið ferðalag upp að Nebelhorn. „Þar fórum við 2224 m. hæð með kláfi, ég held að mér hafi fundist það skemmtilegast,“ segir hún og bætir við að hún hafi ekki verið vitund lofthrædd. Rannveig segir jafnframt að veðrið hafi verið dásamlegt og að vel hafi verið gert við þær með mat og drykk.
Lagt af stað til Berlínar
Ferðalagið til Berlínar tók 10 tíma með rútu og viðurkennir Hildur að hafa verið orðin svolítið þreytt undir lokin en hafi verið fljót að gleyma því þegar komið var á hótelið í Berlín þar sem þær fengu æðislegan mat.
„Daginn eftir kíktum við á keppnissvæðið okkar og fengum að vita æfingatímann sem var á öðrum degi,“ segir Hildur og viðurkennir að það hafi verið öðruvísi að spila boccia í Þýskalandi miðað við heima á Húsavík. Notuð hafi verið trékúla sem er mun þyngri en boltarnir sem hún er vön. „En það var ekkert mál, ég var fljót að venjast því.“
Að lokinni æfingu var deginum eytt á bæjarrölti og kaffíhúsaheimsókn þar sem Hildur hitt pappa sinn, Sigurgeir Höskuldsson og systkini sín sem þá voru nýkomin til Berlínar til að fylgjast með bocciastjörnunni.
Opnunarhátíð leikanna segir Hildur að hafi verið svakaleg upplifun og þær hafi verið lengi að komast heim á eftir. „Við vorum komnar á hótelið um 2:30 og fórum beint í rúmið,“ segir Hildur.
Keppnin hefst
Fyrsti keppnisdagurinn rann upp en þá voru leiknir eins konar prufuleikir, eða delegation. Þeir fara þannig fram að dómarar fylgjast með og meta getu og frammistöðu keppenda. Síðan er keppendum raðað í riðla eftir styrkleika í samræmi við þetta mat, svo getumunur verði ekki of mikill á milli mótherja. „Ég var líka fegin að það var keppt inni í höll, þar sem var loftræsting því það var rosalega heitt úti,“ rifjar Hildur upp.
Í kastljósi fjölmiðla
Teymið á bak við sjónvarpsþættina „Með okkar augum“ var í Berlín að fylgjast með gangi mála og að sjálfsögðu var Hildur tekin í viðtal en þess má geta að einn af þáttarstjórnendunum, Elva Björg Gunnarsdóttir var herbergisfélagi Hildar. „Það var einn af hápunktum ferðarinnar að fá að kynnast svo mörgu skemmtilegu fólki,“ segir Hildur og ber herbergisfélaga sínum góða söguna. Þættirnir verða á dagskrá RÚV í haust og því eins gott að fylgjast vel með, því það má engin missa af viðtalinu við Hildi okkar.
Fyrsti alvöru keppnisdagur Hildar gekk vonum framar og vann hún tvo af þremur leikjum í sínum riðli. Hún fékk því að leika um bronsið daginn eftir og rúllaði því að sjálfsögðu upp. „Það var gaman að fá verðlaunapening,“ segir Hildur stolt en eins og áður segir átti hún eftir að vinna önnur bronsverðlaun á mótinu, ásamt Birgi félaga sínum.
Leið eins og kóngafólki
„Þetta var rosalega skemmtileg upplifun, Ólympíuþorpið var svakalega stórt en við fengum frábæra þjónustu og leið barasta eins og kóngafólki,“ segir Hildur og lætur fylgja með að hún hafi verið í skýjunum þegar haldið var heim á leið eftir frábært ferðalag.
Heiðruð á Bessastöðum
Heimferðin gekk vel en hópurinn fékk frábærar móttökur á Keflavíkurflugvelli. Ekki kom annað til greina en að gista eina nótt í Reykjavík þar sem daginn eftir beið þeirra heimboð á Bessastaði í boði forsetahjónanna. „Það var mjög sérstakt að fá að hitta forsetann,“ segir Hildur og bætir við að lokum að það hafi líka verið gott að komast loksins heim eftir 16 daga ferðalag.
Nýjast
-
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss. -
Nýta jarðvarma til framleiðslu á ofurfæðu úr smáþörungum
Mýsköpun er framsækið nýsköpunarfyrirtæki -
Hætt við að hætta við
Bæjarráð Akureyrar hefur fallið frá tillögu sem fram kom um að halda ekki Listasumar á Akureyri að þessu sumri. Tillagan snérist um að í tilraunaskyni yrði ekki Listasumar í ár en fjárveiting sem ætluð væri til hátíðarinnar rynni þess í stað til Akureyrarvöku.
Athugasemdir