Notuðu samverukvöldið til að læra að búa til saltkringlukonfekt
mth@vikubladid.is
„Þetta var virkilega skemmtilegt kvöld sem við allar höfðum gaman og gagn af,“ segir Hrönn Arnheiður Björnsdóttir ritari Kvenfélagsins Iðunnar í Eyjafjarðarsveit. Kvenfélagskonur komu saman eina kvöldstund og bjuggu til saltkringlukonfekt.
Hrönn Arnheiður segir að Iðunnarkvöld séu haldin einu sinni í mánuði, þá hittist félagskonur og geri eitthvað saman, „eða ekki neitt,“ segir hún, en stundum nægi að hittast og spjalla og eiga góða samverustund.
„Að þessu sinni notuðum við Iðunnarkvöldið til að læra og gera saman saltkringlukonfekt sem við stefnum á að pakka inn og senda frá okkur með fundarboði til að bjóða konur í „Hrafnagilshreppi hinum forna“ velkomnar á vorfundinn okkar sem við ætlum að halda 20. maí næstkomandí í Félagsborg, Skólatröð 9.“
Í kaffipásunni fengu Iðunnarkonur fræðslu um tínslu og þurrkun jurta hjá Siggu Sólarljósi, fyrrverandi formanni félagsins. Það var liður í undirbúningi fyrir jurtatínslu félagsins sem verður í vor og sumar en þá ætla kvenfélagskonur að safna jurtum í gómsætt jurtate.
Njótum líðandi stundar
Hrönn Arnheiður segir að alltaf sé pláss fyrir nýjar konur í kvenfélög um allt land en þau séu fyrir allar konur sem vilji láta gott af sér leiða. „Með því að taka þátt í störfum kvenfélags þá gera konur líka helling fyrir sjálfa sig, það eru ýmis konar námskeið í boði, viðburðir og ferðir í skemmtilegum hópi. Við Iðunnarkonur komum saman og höfum gaman, hvort heldur er í sjálfboðaliðastarfi eða á Iðunnarkvöldum þar sem við lyftum ýmist kaffibollum eða glösum. Við erum að njóta líðandi stundar með skemmtilegum og áhugaverðum konum á öllum aldri og viljum bjóða öðrum konum með okkur í félagsskapinn, þ.e. í Kvenfélagið Iðunni, í Eyjafjarðarsveit,“ segir hún.
Allar konur á Eyjafjarðarsvæðinu eru velkomnar að vera með. „Að taka þátt í kvenfélagi getur auðveldað konum að verða virkari þátttakendur í samfélaginu og þannig líka styrkt samfélagið í heild,“ segir hún en Iðunn hefur aðsetur í Laugaborg og heldur úti facebooksíðunni Kvenfélagið Iðunn. Einnig er hægt að spyrjast fyrir um starfsemina með því að skrifa bréf á netfangið idunn@kvenfelag.is.
Nýjast
-
Sýning ársins 2024 opnuð á Sigurhæðum
Á mæðradaginn, sunnudaginn 12. maí klukkan 13 opnar Sýning ársins 2024 í Menningarhúsi í Sigurhæðum á Akureyri. Lilja Alfreðsdóttir, menningar- og viðskiptaráðherra, flytur ávarp á opnuninni. Húsið verður opið til klukkan 17 þennan sunnudag og það verður líka hægt að líta inn á vinnustofur listafólks, hönnuða og hugsuða á annarri hæð Sigurhæða. -
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti.
Athugasemdir