Mía – dúkkan sem eykur hugrekki
Bókin Mía fær lyfjabrunn varð til þegar Þórunn Eva G. Pálsdóttir var að gera lokaverkefni sitt í sjúkraliðanámi vorið 2019.
Bókin fjallar um stelpu sem þarf lyfjabrunn enda fannst Þórunni vanta mikið upp á fræðslu fyrir börn sem fá lyfjabrunn.
Síðan þá hefur Míu verkefnið stækkað og út er komin önnur bók og dúkka með meiningu. Míu dúkkunni er ætlað að gefa langveikum börnum auka hugrekki í lífinu eins og segir á miða sem fylgir dúkkunni.
Sjúkrahúsið á Akureyri fékk afhentar um 20 Míu dúkkur og nú er búið að setja upp Míu límmiða á deildinni.
„Við erum alltaf þakklát að fá að taka þátt í verkefnum sem miða að því að minnka óöryggi barna hvað varðar heimsóknir á sjúkrahús. Míu dúkkan er frábær að því leitinu að hægt er að bæta á hana því sem verið er að vinna með hjá barninu eins og t.d. æðaleggi, lyfjabrunn, hnapp eða annað. Börn sem eiga við þannig áskoranir geta betur samsamað sig við dúkkuna“ segir Elma Rún Ingvarsdóttir, sérfræðingur í barnahjúkrun á barnadeild SAk.
Nánar má lesa um Míu verkefnið hér.
Frá þessu segir á heimasíðu SAk
Nýjast
-
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan. -
Fiðringur í HOFI þriðja sinn 8. maí n.k.
Fiðringur á Norðurlandi verður haldinn í HOFI þriðja sinn þann 8. maí kl 20. Skrekkur í Reykjavík og Sjálftinn á Suðurlandi eru fyrirmyndir Fiðrings sem er dýrmætur vettvangur fyrir unglingana á Norðurlandi eystra til að láta rödd sína heyrast. -
Listasafnið á Akureyri: Nemendasýningar opnaðar á laugardaginn
Laugardaginn 4. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2024, og útskriftarsýning nemenda listnáms- og hönnunarbrautar VMA, Bragðarefur.
Athugasemdir