Listamaður Norðurþings gefur til baka
Einar Óli Ólafsson er tónlistarmaður og listamaður Norðurþings. Eftir að hafa upplifað páska á Húsavík þar sem honum þótti lítið um að vera í menningarlífinu hefur hann nú tekið höndum saman og hyggst setja á fót tónleikahátíð á Húsavík. Markmiðið með hátíðinni segir hann vera að bjóða upp á fjölbreytt úrval tónlistar þar sem grasrótin í tónlistarlífi Norðlendinga er virkjuð. Fyrirmyndin er tónlistarhátíðin Aldrei fór ég suður á Ísafirði og draumurinn er að um árlegan viðburð verði að ræða.
Einar Óli starfar við Tónlistarskólann á Húsavík og í félagsþjónustunni en meðfram því hefur hann starfað við eigin tónlist undanfarin ár. Árið 2021 gaf hann út plötuna Mind Like A Maze sem er aðgengileg á spotify ásamt nokkrum smáskífum. þá vakti hann mikla athygli þegar hann tók þátt í Idol stjörnuleit hér um árið og hleypti í kjölfarið af stokkunum sinni eigin Idol keppni á Instagram.
Vill skilja eitthvað eftir sig
Einar Óli þegar hann var valinn Listamaður Norðurþings á síðasta ári við hátíðlega athöfn á Húsavk. Með honum á myndinn eru Katrín Sigurjónsdóttir sveitarstjóri Norðurþings og Nele Marie Beitelstein fjölmenningarfulltrúi. Mynd: Hafþór Hreiðarsson.
Einar Óli var valinn Listamaður Norðurþings á síðasta ári en hann brennur fyrir það að skapa eitthvað nýtt og leyfa fólki að njóta með sér afrakstursins á tónleikum eða í gegnum samfélagsmiðla og steymisveitur.
Nú ætlar þessi húsvíski tónlistarmaður að skapa tónlistarhátíð sem mun án efa beina kastljósinu til Húsavíkur um ókomin ár.
„Ég er að taka upp á þessu sjálfur en þetta er svona partur af samstarfinu við sveitarfélagið sem felst í því að vera listamaður Norðurþings,“ segir Einar Óli í samtali við Vikublaðið og er stórhuga þegar kemur að tónleikahaldi.
Virkjar grasrótina
„Það er planið að finna einhverja skemmu niðri á bryggju og það er verið að vinna í því að bóka húsnæðið. Planið er að leggja undir sig eina kvöldstund um páskana fyrir tónleikahald. Áherslan verður á Norðurlandið og frumsamið efni. Það er mikið af efnilegu tónlistarfólki hér í næsta nágrenni við okkur sem bíður bara eftir því að fá vettvang til að koma sér á framfæri,” segir Einar Óli og bætir við að nú þegar séu nokkrir listamenn frá Akureyri búnir að staðfesta komu sína á hátíðina auk tónlistarfólks frá Húsavík.
„Ég ætla að hafa þetta mjög fjölbreytt allt frá rappi yfir í rokk og allt þar á milli,” segir Einar Óli og lætur ekki dyljast að hér sé um draum að ræða sem hann hefur gengið með um all nokkurt skeið.
Fékk innblástur á Ísafirði
Sjálfur segist Einar Óli vera mikill aðdáandi tónlistarhátíðarinnar Aldrei fór ég suður sem haldin er ár hvert á Ísafirði en þangað sækir hann innblástur. „Ég bjó á Ísafirði í nokkur ár og heillaðist af hátíðinni Aldrei fór ég suður og hef alltaf spurt mig að því hvers vegna ekki sé hægt að gera eitthvað svipað hér á Húsavík,“ segir Einar Óli sem nú hefur tekið málin í sínar hendur og lætur verkin tala. „Ég er búinn að ganga með þetta í maganum um nokkurt skeið og í kjölfar þess að vera valinn listamaður Norðurþings ákvað ég að kíla á þetta í tengslum við það.“
Einar Óli segir að um síðustu páska hafi hann verið á Húsavík og það hafi verið mikið af fólki í bænum en ekkert sérstakt um að vera. „Mér fannst það alveg ómögulegt og langaði til að bæta úr þessu.“
Komið til að vera
Þegar Einar Óli var valinn Listamaður Norðurþings lá fyrir að hann myndi standa að einhverskonar tónlistarviðburði í samtarfi við sveitarfélagið. „Mig langaði í tenglum við það að gera eitthvað meira en bara að spila sjálfur. Eitthvað sem skilur eftir sig, ekki bara einhverja tónleika og svo búið. Ég vil að þetta verði komið til að vera,“ segir hann og kveðst bjartsýnn á að verkefninu verði vel tekið í heimabyggð.
Einar Óli hefur að mestu staðið í skipulagningu að hátíðinni sjálfur en nú séu komnir fleiri hendur að verkinu enda sé stutt í páska og þörf á því að láta hendur standa fram úr ermum. „Húsavíkurstofa hefur komið með mér inn í þetta á lokasprettinum,“ segir Einar Óli að lokum og lofar upplifun sem lengi muni lifa í minningunum.
Nýjast
-
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss.
Athugasemdir