„Jólaljósin koma mér í jólaskap“
Höfundur greinarinnar er Vera Elísabet Thorsteinsson (VET). Hún er fjölmiðlafræðinemi á 2. ári í Háskólanum á Akureyri. Hluti af lokaverkefni nemenda í áfanganum
Prentmiðlun var að skrifa efni fyrir Vikublaðið. Stærstur hluti efnisins birtist í Jólablaði Vikublaðsins en stakar greinar, eins og þessi, í öðrum tölublöðum og á vefnum.
Kristján Eldjárn Sveinsson, flugþjónn hjá PLAY Air, er mikill fagurkeri og Dalvíkingur í húð og hár. Hann er þekktur fyrir að vera nautnaseggur og hann er duglegur að sýna frá ævintýrum sínum á Instagram þar sem hann ferðast mikið og heimsækir eftirsótta veitingastaði. Ásamt því er hann gífurlega mikið jólabarn og því forvitnilegt að vita hvernig hann heldur upp á jólin og fræðast um jólasiði hans.
Hvað kemur þér í jólaskap?
„Það sem kemur mér í jólaskap er þegar ég byrja sjá jólaljósin hjá öðrum og þegar ég og maðurinn minn, Leifur, byrjum að skreyta sem er yfirleitt í kringum miðjan nóvember. Það er svo gaman að sjá og fylgjast með hvernig aðrir skreyta. Einnig eru það jólalögin, en ég byrja alltaf að hlusta á þau skipulega 1. nóvember.“
Allar samverustundirnar bestar
Hvað finnst þér best við jólin?
„Allar samverustundirnar með fjölskyldunni, jólaboðin, maturinn og kósýkvöldin þar sem við horfum á jólamyndir og borðum smákökur. Svo þykir mér virkilega gaman að fara í jólagjafaleiðangra og kaupa gjafir fyrir vini og fjölskyldu.“
Hvað borðar þú á jólunum?
„Það er svolítið misjafnt og það fer eftir því hvort ég er hjá tengdó eða foreldrum mínum. Ég er alinn upp við að fá rjúpu eða önd á aðfangadagskvöld og yfirleitt humarsúpu í forrétt en núna í ár erum við hjá tengdó. Þá verða líklegast hvítlauksristaðir humarhalar í aðalrétt og mér finnst það sko ekkert verra.“
Nýir, skemmtilegir hlutir á jólatréð
Hver er uppáhalds jólahefðin þín?
„Ég held ég verði að segja að uppáhalds jólahefðin mín sé sú að við maðurinn minn kaupum alltaf nýja, skemmtilega hluti á jólatréð á hverju ári og það er alltaf svo gaman þegar við skreytum það. Í fyrra vorum við með tré sem var 250 cm og skrautið okkar dugði á það, svo það mætti segja að við séum komnir með ágætt safn. Einnig er alltaf yndislegt að gera laufabrauð með fjölskyldunni en við gerum það á hverju ári.“
Er eitthvað sem þú hefur ekki ennþá gert um jólin sem þig langar að gera?
„Já, ég væri til í að fara halda stórt jólaboð heima hjá okkur. Við höfum yfirleitt farið til foreldra okkar eða fjölskyldu yfir hátíðirnar en það væri gaman að bjóða heim til okkar þar sem við höfum nýlega flutt í stærra húsnæði.“
VET
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir