Gríðarleg breyting til hins betra við öll björgunarstörf
Maron Pétursson deildarstjóri Slökkviliðsins á Akureyri við stigabíla slökkviliðisins, þann gamla og nýja sem er fjölmörgum kostum búin. Myndir/MÞÞ
Slökkviliðið á Akureyri hefur fengið nýjan björgunarstigabíl sem leysir af hólmi eldri og svifaseinni körfubíl. „Þetta verður gríðarlega breyting fyrir okkur hvað öll björgunarstörf varðar, en nýi bílinn er búin nútímaþægindum þegar að björgunarstörfum kemur sem flýtir öllum ferlum og auðveldar störf hvort heldur sem verið er að bjarga mannslífum eða verðmætum,“ segir Maron Pétursson deildarstjóri hjá Slökkviliðinu á Akureyri.
Stigabílinn er af gerðinni Scania og stiginn og yfirbygging var smíðað í Frakklandi, en fulltrúar þaðan eru væntanlegir til Akureyrar fljótlega og munu í kenna þremur liðsmönnum Slökkviliðsins á bílinn. Þeir munu í kjölfarið taka að sér að miðla þekkingunni til allra starfsmanna Slövkkiliðsins. Maron á von á að ekki líði að löngu þar til allir hafi lært á þá fjölmörgu möguleika sem bílinn bíður upp á.
Langþráður draumur hefur ræst
Gamli bílinn er frá árinu 1989 og í sjálfu sér ekki mörgum kostum búinn og segir Maron að hann hafi ekki hentað vel alls staðar, enda víða þröngar götur á Akureyri sem erfitt er að komast um með slíkan bíl. Þegar svo væri komið í sambandi við bílinn, að honum væri ekki lengur treystandi væri ekki annar kostur í stöðinni en slíta sambandinu. „Það eru um það bil 7 ár frá því við fórum að ræða að þörf væri fyrir nýjan bíl, en til tíðinda dró í október árið 2020 þegar skrifað var undir samning um kaupin á Scania bílnum. Það hafa svo eins og gengur á tímum heimsfaraldurs orðið tafir á afhendingu, en loks er bílinn kominn norður og má segja að langþráður draumur okkar hafi ræst.“
Veitir mikið öryggi
Slökkviliðið á Akureyri efndi til sýninga á Glerártorgi í tilefni af 112 deginum í liðinni viku og tókst vel til, aðsókn var góð einkum á sýningar sem voru seinnipartinn og var fólk mjög áhugasamt um starfsemi liðsins. Markmiðið með deginum var að fræða almenning um störf slökkviliðsins, en kynntar voru aðferðir við reykköfun, björgun og endurlífgun.
Stigabílinn kemst 32 metra upp í loft í beinni stöðu og við bætast tveir metrar, frá jörðu og upp í stiga. Hitamyndavél er í bílnum sem gerir að verkum að menn eru fljótari að greina hvar mestur hiti er í brennandi byggingum, það flýti mjög fyrir öllum björgunarstarfi að sögn Marons. Þá nýtist bíllinn við fleira en útköll vegna elds. Hann segir að ekki síður sé horft til þess björgunarstarfa í tengslum við umferðaslys, m.a. þegar bílar lenda utan vega. Þá er hægt að nýta bílinn til að sækja slasað fólk og ferja það í körfunni að sjúkrabíl í stað þess að ganga með það langar leiðir.
„Þessi bíll veitir okkur öllum íbúum bæjarins mikið öryggi og við fögnum því innilega að hafa fengið hann til afnota,“ segir Maron.
/MÞÞ
Karfan fer lengst 32 metra upp í loft og til viðbótar koma tveir metra frá jörðu og upp í stiga.
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir