FVSA - Íbúð á Spáni í boði næsta sumar
Félag verslunar- og skrifstofufólks Akureyri og nágrenni, FVSA auglýsti nýlega orlofsíbúð á Spáni fyrir sumarið 2024 og er hún viðbót við aðra orlofskosti félagsins. „Það er ánægjulegt að geta boðið upp á þennan möguleika fyrir næsta sumar, enda markmið okkar að reyna að svara eftirspurn félagsfólks eins og hægt er“ segir Eiður Stefánsson, formaður FVSA.
Eiður Stefánsson, formaður FVSA
Íbúðin á Spáni er í Villa Martin hverfinu á Costa Blanca, í tæplega klukkutíma akstursfjarlægð frá Alicante. Hún rúmar 6 manns í gistingu, er á jarðhæð í fjölskylduvænum, afgirtum íbúðakjarna með flottri útiaðstöðu og sameiginlegu, niðurgröfnu sundlaugasvæði. „Þetta er frumraun, að bjóða upp á íbúð erlendis. Fyrirvarinn er eðlilega lengri og því opnum við fyrir bókanir kl. 12 mánudaginn 16. október og gildir þá fyrstur bókar, fyrstur fær. Það er hagstætt verð á vikuleigu og því vonumst við til að þetta nýtist vel“ upplýsir Eiður.
FVSA á sjö íbúðir í Reykjavík, þrjú sumarhús á Illugastöðum og eitt í Vaglaskógi. Síðast liðið vor var auk þess vígt nýtt sumarhús í Húsafelli og er það jafnframt fyrsta húsið þar sem gæludýr eru leyfð. Yfir sumartímann framleigir félagið að auki þrjú sumarhús til síns félagsfólks og er íbúðin á Spáni viðbót við það.
Húsafell nýtt hús FVSA þar sem gæludyr eru velkominn er hið glæsilegasta.
Mikil ánægja með orlofshúsin
Orlofshúsin innanlands fara í hefðbundna úthlutun eftir áramót fyrir sumarið 2024. „Það er mikil ánægja með orlofshúsin sem ég tel að stafi aðallega af tvennu; góðu viðhaldi og góðri umgengni félagsfólks. Hið síðara er þakkarvert, enda orlofshúsin eign félagsfólks og öllum í hag að vel sé farið með eignir þess. Nýting orlofshúsanna er góð, ekki síður yfir vetrartímann, og spilar þar staðsetning og aðbúnaður allur stóran þátt“ segir Eiður að lokum.
Félagsfólk getur kynnt sér úthlutun orlofshúsa og upplýsingar um íbúðina á Spáni inni á vef félagsins.
Nýjast
-
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan. -
Fiðringur í HOFI þriðja sinn 8. maí n.k.
Fiðringur á Norðurlandi verður haldinn í HOFI þriðja sinn þann 8. maí kl 20. Skrekkur í Reykjavík og Sjálftinn á Suðurlandi eru fyrirmyndir Fiðrings sem er dýrmætur vettvangur fyrir unglingana á Norðurlandi eystra til að láta rödd sína heyrast. -
Listasafnið á Akureyri: Nemendasýningar opnaðar á laugardaginn
Laugardaginn 4. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2024, og útskriftarsýning nemenda listnáms- og hönnunarbrautar VMA, Bragðarefur. -
Nýr sviðsstjóri Netöryggismiðstöðvar Íslands
Skúli Bragi Geirdal, sérfræðingur í miðlalæsi hjá Fjölmiðlanefnd er nýr sviðsstjóri SAFT - Netöryggismiðstöðvar Íslands (Safer Internet Center á Íslandi).
Athugasemdir