Frumsýnir stuttmynd á netinu
Pétur Guðjónsson athafnamaður hefur lengi verið með stuttmynd í bígerð eftir sögu sem hann skrifaði árið 2010. Myndin nefnist Hvar er draumurinn? og fjallar um þann nöturlega heim sem unglingar í heimi fíkniefna lifa í. Eftir fimm ára meðgöngu er loksins komið að því að sýna stuttmyndina.
„Þetta verkefni, sem hefur farið í allar áttir, hefur verið skrautlegt en nú verður hún sýnd eftir að hafa farið í gegnum þrjá kvikmyndaráðgjafa og nokkra klippara,“ segir Pétur. Hann segist hafa stefnt að því að sýna myndina þann 8. apríl í Borgarbíó en vegna ástandsins í þjóðfélaginu verður ekkert úr því, enda öll bíóhús lokuð vegna kórónuveirunnar. „Í ljósi þess ákvað ég að sýna hana bara á netinu og það á nýjum vef, www.draumaleikhúsid.is, þann 8. apríl. Síðan mun Borgarbíó sýna hana eitthvað fyrir okkur, bara svo hún komist á hvíta tjaldið,“ segir Pétur og bætir við: „Það má segja að hópurinn sem gaf alla vinnu ætli nú að gefa þjóðinni myndina. Ekki síst til þess að hún verði notuð í forvarnarskyni.“
Fékk innblástur eftir störf á Laugalandi
Innblásturinn af sögunni var atvik sem gerðist er Pétur starfaði á meðferðarheimilinu Laugalandi í Eyjafjarðarsveit fyrir nokkrum árum. „Þá varð ég vitni af ýmsu og kynnti mér þennan heim talsvert vel. Svo fékk ég stundum fréttir af stúlkunum eftir að þær útskrifuðust frá Laugalandi og að þeim gengi vel. Það er mjög gleðilegt að heyra svoleiðis fréttir. En því miður var það ekki alltaf raunin. Sumar fréttir var erfitt að fá. Það var ung stúlka sem lést eftir að hafa tekið of stóran skammt af fíkniefnum og það hafði mikil áhrif á mig. Þá læddist þessi hugsun að mér að partýin geta verið ansi heillandi þegar fólk er ungt og áhyggjulaust. Fíkniefnaheimurinn spennandi, fullt af peningum, athygli og þess háttar. En yfirleitt enda þó partýin illa. Það er útgangspunkturinn í myndinni,“ segir Pétur.
Vilja vekja fólk til umhugsunar
Handritið er skrifað af Pétri, Jokku G.Birnudóttur og Úlfhildi Örnólfsdóttur en sagan fjallar í stuttu máli um líf nokkurra unglinga sem leiðast út í heim fíkniefna. Tökur á myndinni stóðu yfir í október 2015 og tóku alls 14 daga. Pétur segist hafa fengið margt gott fólk í lið með mér varðandi handritaskrif, tæknivinnu og fleira. „Ég þvældist með myndina fram og til baka, var með þrjá kvikmyndaframleiðendur í takinu til að ráðleggja, Baldvin Z, Gunnar Björn og Kidda K. en sagan gekk frekar illa upp þegar hún var komin á klippiborðið. Það var ekki fyrr en Ragnar Bollason, nýlega útskrifaður úr kvikmyndaskólanum, kom og lagðist yfir þetta að lokaútkoman leit dagsins ljós.“
Pétur bætir við að það beri mörgum að þakka og án þessa góða fólks hefði myndin aldrei geta orðið að veruleika. „Við byrjuðum tveir, ég og Helgi Steinar Halldórsson, svo bættist Þórhallur Jónsson í Pedró við og síðan stækkaði hópurinn og endaði í alls 40 manns sem kemur að myndinni.“ Pétur segir að í upphafi hafi hann og Helgi Steinar stefnt að því að gera mynd sem yrði m.a. notuð í forvarnarskyni. „Með þessari mynd viljum við vekja fólk til umhugsunar og ekki bara unglinga heldur foreldrana líka.,“ segir Pétur Guðjónsson.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir