Bubbi og KK og Gaukur á Græna hattinum
Í tilefni af útkomu nýrrar plötu Bubba Morthens, Regnbogans stræti, sem kom út 9. ágúst s.l. verða haldnir útgáfutónleikar á völdum stöðum um landið og verða þeir á Græna hattinum á föstudagskvöldið 20. september.
Þrjú lög af plötunni eru komin í spilun og viðtökurnar hafa ekki látið á sér standa. Lagið Velkomin rataði í 1. sæti vinsældarlistanna og er Bubbi þar hárbeittur að vanda í umræðunni um flóttamenn. Án þín, þar sem hann syngur dúett með Katrínu Halldóru Sigurðardóttir, sló einnig og nú er þriðja lagið komið í spilun sem ber nafnið Límdu saman heiminn minn.
Margir tónlistarspekúlantar halda því fram að að Regnbogans stræti sé eitt af meistaraverkum Bubba. Með Bubba Morthens í för eru þeir tónlistarmenn sem spiluðu á plötunni með honum. „Gæfa Bubba er að hafa í gegn um tíðina náð að velja með sér framúrskarandi fólk að vinna með og hér er það svo sannarlega raunin,“ segir um tónleikana. Guðmundur Óskar Guðmunsson stjórnaði upptökum ásamt Bubba og Adda 800 sem sá um upptökur og hljóðblöndun. Guðmundur Óskar mundar bassann og ásamt honum í hljómsveitinni eru þei Þorvaldur Þór Þorvaldsson trommur, Örn Eldjárn gítar, Aron Steinn Ásbjarnarson blástur og Hjörtur Yngvi Jóhannsson hljómborð. Tónleikarnir hefjast kl. 22.00.
KK og Gaukur verða á ferð um landið í haust og verða á Græna hattinum laugardagskvöldið 21. september. „Þeir munu spila úrval af lögum KK og aðrar hugljúfar dillandi melódíur,“ segir um tónleikana. KK er landsmönnum kunnur en Gaukur er að hasla sér völl. Hann hefur m.a. verið að spila á munnhörpu með Kaleo undanfarið. Með KK verður hann töluvert að spila slide gítar, eða Hawaii gítar eins og það er líka kallað, og raddar í bluegrass stíl. KK ætlar að vígja nýjan gítar á túrnum, forlátan Collings gítar frá Texas og allt verður þetta flutt gegnum einn hljóðnema. Tónleikarnir hefjast kl. 22.00.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir