15. maí - 23 maí - Tbl 20
Brúnir Gallerí Eyjafjarðarsveit
Raja / Takmörk er málverkasýning sem opnuð verður í dag sunnudaginn 11.júní í Brúnir Gallerí, Eyjafjarðarsveit, milli kl.14-18. Sýningin stendur til 22.júlí og er opin daglega frá kl.14-18
Raja / Takmörk er finnskt-íslenskt samstarfsverkefni þeirra TiinaRauni og Birgis Rafns Friðrikssonar-BRF. Þau kynntust í listaskóla í Lahti í Finnlandi er Birgir Rafn var skiptinemi þar um aldamótin og hafa þau verið vinir síðan. Einar Gíslason listmálari og staðarhaldari á Brúnum kynntist svo Tiina er hann sótti Finnland heim og hvatti Tiina að heimsækja hann á Íslandi. Til að gera langa sögu stutta varð úr áætlun um að Tiina og Birgir Rafn myndu sýna hjá honum í Brúnir Gallerí, en Covidnáði að skjóta öllu á frest um skeið. Nú er hins vegar sá faraldur fyrir bí og biðin á enda. Vonast þau til að efla megi menningarlegt samstarf landanna því að Finnar og Íslendingar eiga svo margt sameiginlegt.
Sýningarheitið Raja / Takmörk kom til í samtali Tiina Rauni og Birgis Rafns. Bæði eru þau að vinna á einhverskonar mörkum eða landamærum.
Tiina hefur undanfarin 3 ár verið að þróa stíl sem kallast sgraffito. Það er aðferð sem er ekki fyrir óþolinmóða þar sem unnið er í mörgum lögum og skrapað niður til að fá eftirsóknarverða áferð. Verkin hennar eru aðallega náttúruverk, en hið mannlega er þó undirliggjandi í þeim, í sjálfu ferlinu.
Birgir Rafn - BRF hefur undanfarin 13 ár verið að vinna með umhverfi líka, aðallega náttúru og landslag. Hans sjónarhóll eða útgangspunktur er mörkin á milli hins raunverulega og hins ímyndaða, líkt og spurningunni “Hvað er landslag?” sé enn ekki svarað. Málverkin hans eru því af ýmsum toga, eru “sjónrænir og stundum hugmyndafræðilegir leikir” eins og hann segir sjálfur. Málunaraðferðir Birgis Rafns eru fjölbreyttar og virðast henta þema hvers verks fyrir sig, allt frá hraðri og frjálslegri notkun pallettuhnífs yfir í yfirlagða nákvæmni.
Nýjast
-
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref.
Athugasemdir